VfL Bückeburg
 | |
| Volledige naam | Verein für Leibesübungen Bückeburg e.V. von 1912 |
| Stigtingsdatum | 1912 |
| Tuisveld | Jahnstadion, Bückeburg |
| Kapasiteit | 2 000 |
| Kompetisie | Oberliga Neder-Sakse Wes |
VfL Bückeburg is 'n sportklub uit Bückeburg in die deelstaat Neder-Sakse in Duitsland. Behalwe sokker, het die klub ook onder meer afdelings vir Amerikaanse voetbal, pluimbal, bofbal, klootskiet, veerpyltjies, gimnastiek, hokkie, basketbal, atletiek, fietsry, swem, tennis, tafeltennis en vlugbal.
Die klub is 1912 gestig as 'n sokkerklub. Gedurende die laat 1930’s het die klub sy beste jare beleef. 'n Militêre kaserne wat in 1867 in Bückeburg opgerig is genaamd Westfälische Jägerbataillon Nr. 7, is deur die Nazi‘s uitgebrei en ’n groot militêre opleidingskamp het ’n invloei van spelers tot gevolg gehad. Die klub se naam het verander na Militär SV Jäger 7 Bückeburg en in 1938 het die klub sy grootste prestasie behaal deur na die Gauliga Neder-Sakse op die hoogste vlak van die Duitse sokkerstruktuur te promoveer. Die klub het heel skaflik gevaar en 4de geëindig na die 1938/39-seisoen, maar weens die uitbreek van die Tweede Wêreldoorlog in 1939 was alle militêre klubs verplig om aan die einde van die seisoen uit die liga te onttrek. Die klub het wel aan die einde van die seisoen 'n vriendskaplike wedstryd teen FC Schalke 04, destyds die Duitse sokkerkampioen, met 4-2 gewen voor 12 000 toeskouers.
Na die Tweede Wêreldoorlog kon die klub nie weer dieselfde hoogtes bereik nie, maar daar is gedurende die 1950’s vir 'n paar seisoene op die tweede vlak in die Amateur-oberliga meegeding.
Die klub het in 1989 die hoofrondte van die DFB-Pokal gehaal, waar daar in die eerste rondte met 2-0 teen Eintracht Brunswyk vasgeval is.
Onlangse ligaposisionering
wysig
|
|
Eksterne skakels
wysig- Amptelike klubwerf Geargiveer 29 Januarie 2010 op Wayback Machine
| Oberliga Neder-Sakse Wes 2009/10-seisoen | |
|
SV Bad Rothenfelde – SV Bavenstedt – VfL Bückeburg – BV Cloppenburg – BSV Kickers Emden - | |