Wilfried Böse
Wilfried Böse (7 Februarie 1949, Stuttgart, Wes-Duitsland - 4 Julie 1976, Entebbe, Uganda) was 'n Duitse terroris gedurende die vroeë 1970's. Hy was aktief in links-radikale politieke kringe in Frankfurt, Duitsland en het saam met Johannes Weinrich die Rewolusionêre Selle (Revolutionären Zellen, RZ), 'n links-radikale terreurorganisasie, gestig. Hy het die kaping van 'n Air France-vlug in Junie 1976, gelei en is later deur Israeliese veiligheidsmagte doodgeskiet.
Wilfried Böse | |
|---|---|
| Gebore | Wilfried Bonifatius Böse 7 Februarie 1949 |
| Sterf | 04 Julie 1976 (op 27) |
| Organisasie | Revolutionären Zellen, RZ |
| Bekend vir | Operasie Entebbe |
Lewensloop
wysigBöse het in Bamberg grootgeword. Daar is hy na die Kunigundenschule, die Oberrealschule (vandag Clavius-Gymnasium ) en vanaf 1966 na die Dientzenhofer-Gymnasium . Die laaste anderhalf jaar tot sy matriek in 1969 woon hy die Ansbacher Platen-Gymnasium by. Hy studeer eers sosiologie in Freiburg im Breisgau, daarna in Frankfurt.[1], maar onderbreek sy studies om die verspreiding van die uitgewery Roter Stern oor te neem.
Rondom 1970 raak Böse betrokke by die Frankfurt-afdeling van die politieke groep "Föderation Neue Linke", saam met onder andere Micha Brumlik en Johannes Weinrich. Hy het die rol van tesourier daar oorgeneem.[2]
Voor 1972, volgens die linkse terrorisme-navorser Wolfgang Kraushaar, sou Böse onder die kodenaam der kleine Dicke (“die klein vettie”) vir die Rote Armee Fraktion (RAF) gewerk het.[3] Kraushaar het in 2018 met die Jerusalem Post gedeel dat hy "geloofwaardige inligting" het dat Böse ook die terroriste van Swart September ondersteun het voor die Olimpiese aanval in München.[4]
In die somer van 1972 stig Böse die terreurgroep Rewolusionêre Selle (Revolutionären Zellen, RZ) in Frankfurt saam met ander mense van die gewelddadige linkse ekstremistoneel, waaronder Weinrich. Hy het die nuwe groep ontwikkel om dit te onderskei van die RAF en Bewegung 2. Juni met die doel om dit vir die wetstoepassingsowerhede moeiliker te maak om hulle op te spoor deur klein groepies te organiseer wat skaars met mekaar verbind is.[5]Toe die RZ later in 'n sosiale rewolusionêr en 'n internasionalistiese vleuel verdeel het, was Böse een van die voorste internasionaal aktiewe terroriste saam met Weinrich, Hans-Joachim Klein , Magdalena Kopp , Brigitte Kuhlmann en andere.[6] Böse het ' n geheime opleidingskamp in Suid-Jemen besoek saam met sy mede-RZ-vegters vir guerrilla-opleiding en het die nom de guerre "Mahmud " gebruik.[7] In September 1975 het hy met Kuhlmann ondergronds gegaan, voor dit was hy in Frankfurt geregistreer.[8]
Motief vir terrorisme
wysigIlan Hartuv, een van die oorlewende gyselaars tydens die kaping van Air France-vlug 139 in 1976, het onthou dat Böse tydens die kaping aan hom gesê het: "Ek het terreurdade in Wes-Duitsland uitgevoer omdat die regerende instansie Nazi's en reaksionêre in diens geneem het."[9]
Kaping van Air France-vlug 139
wysigBöse lei die kaping van 'n Air France Airbus wat met 258 passasiers op 27 Junie 1976, van Athene, Griekeland opstyg. Die vliegtuig word deur die kapers gedwing na Entebbe, Uganda. Aanhangers van 'n Palestynse terreurgroep gestig deur Waddi Hadad neem ook aan die kaping deel. Volgens die kapers sou die gyselaars vermoor word indien 53 Palestynse gevangenisse wat op daardie stadium aangehou word in Israel, Kenia, Wes-Duitsland en elders nie vrygelaat sou word nie.
Die passasiers word aangehou in die ou-terminaal oorgangsaal op die lughawe. Die terroriste het later die meeste passasiers vrygelaat en met opset slegs Israeli's en Jode aangehou.[10] Terwyl die kapers met dié proses besig was, het 'n oorlewende van die Holocaust die kampregistrasienommer wat op sy arm getatoeëerd was aan Böse gewys, waarop Böse protesteer het "Ek's g'n Nazi nie! … Ek is 'n idealis."[10]
Tydens 'n Israeli militêre operasie (Operasie Entebbe) op 4 Julie 1976 word Böse, Brigitte Kuhlmann ('n mede Duitse kaper) en vier ander Palestynse kapers doodgeskiet.
Populêre kultuur
wysigDie Entebbe-aanval was die onderwerp van verskeie films, onder andere Raid on Entebbe waarin Horst Buchholz die rol van Wilfried Böse speel. In die film Operation Thunderbolt het Klaus Kinski sy rol gespeel.
Verwysings
wysig- ↑ Uitstalling in Ansbach, op die webwerf van die Dientzenhofer-Gymnasiums Bamberg, Besoek op 21 Julie 2014"
- ↑ Kraushaar: Die blinden Flecken der RAF. S. 274
- ↑ Kraushaar: Die blinden Flecken der RAF. S. 266ff, 381
- ↑ Benjamin Weinthal: Why is Germany silent on Corbyn’s praise of Munich terrorists? In: Jerusalem Post van 5 September 2018
- ↑ Kraushaar: Die blinden Flecken der RAF. S. 37f
- ↑ Wolfgang Kraushaar, in: Einsichten und Perspektiven 01/2008, Besoek op 21 Julie 2014
- ↑ Oliver Schröm: Im Schatten des Schakals, S. 96
- ↑ Terroristen – Kontakt mit Kadern, Der Spiegel, 1/1976, 5 Januarie 1976
- ↑ Melman, Yossi. http://www.haaretz.com/weekend/week-s-end/setting-the-record-straight-entebbe-was-not-auschwitz-1.372131 ,Setting the record straight: Entebbe was not Auschwitz Haaretz, 8 Julie 2011
- ↑ 10,0 10,1 David Tinnin, Like Father, Time (magazine), 8 Augustus 1977. A review of Hitler's children by Julian Becker, Bladsy 2 Geargiveer 18 Oktober 2010 op Wayback Machine
Bronne
wysig- Wolfgang Kraushaar: Die blinden Flecken der RAF. Klett-Cotta, Stuttgart 2017, ISBN 978-3-608-98140-7
- Oliver Schröm: Im Schatten des Schakals. Carlos und die Wegbereiter des internationalen Terrorismus. Aufbau Verlag, Berlin 2004, ISBN 3-7466-8119-7.