Entebbe Internasionale Lughawe

Die Entebbe Internasionale Lughawe (IATA: EBB, ICAO: HUEN) is die belangrikste internasionale lughawe in Uganda. Die lughawe is naby die stad Entebbe op die oewer van die Victoriameer, ongeveer 35 km van die hoofstad Kampala geleë.

Entebbe Internasionale Lughawe
IATA: EBBICAO: HUEN
Opsomming
Tipe lughawe Siviel en militêr
Operateur Burgerlike Lugvaartowerheid van Uganda
Bedien Entebbe, Kampala, Mukono
Ligging Entebbe, Uganda
Spil vir Royal Daisy Airlines, Eagle Air, Royal Daisy Airlines
Hoogte bo seevlak 3 782 vt / 1 153 m
Webtuiste entebbe-airport.com
Landkaart
EBB is in Uganda
EBB
EBB

Ligging in Uganda

Aanloopbane
Rigting Lengte Oppervlak
vt m
17/35 12 000 3 658 Teer
12/30 7 900 2 408 Teer

Die vliegveld is reeds vanaf 1929 in gebruik. Ná die Tweede Wêreldoorlog word dit uitgebrei en op 10 November 1951 amptelik heropen. In Mei 1952 was Entebbe een van die haltes van die De Havilland Comet wat op 2 Mei van Londen na Johannesburg vertrek het; dit was die eerste kommersiële vlug van 'n passasierstraler.

Die ou lughawe is intussen gesloop, met uitsondering van die beheertoring, en vervang deur 'n terminaal wat in 2007 vir binnelandse vlugte gebou is. Die ou gedeelte word ook vir militêre vlugte gebruik. Internasionale vlugte gebruik die passasiersterminaal wat in die 1970's gebou is.

In Julie 1976 was die lughawe die middelpunt van Operasie Entebbe, toe Israeliese kommando's 'n aanval uitgevoer het om gyselaars te bevry. Die operasie het in die "ou" lughawegebou plaasgevind, waar die Palestynse Bevrydingsorganisasie en Rooi Leër Faksie passasiers aangehou het. Uiteindelik is 102 van die 106 gyselaars gered, drie sterf en een is deur Ugandese weermagoffisiere by 'n nabygeleë hospitaal vermoor. Vyf Israeli-soldate is tydens die operasie gewond.

Rederye en bestemmings wysig

Fotogalery wysig

Eksterne skakels wysig