Zelda Jongbloed
Zelda Jongbloed (née Erasmus; 3 Oktober 1950, Groot-Brakrivier – 21 Julie 2018, Mowbray, Kaapstad) was 'n veteraan Suid-Afrikaanse joernalis en politikus. Sy was vanaf 2014 tot 2018 'n lid van die Nasionale Vergadering vir die Demokratiese Alliansie. Sy was Skadu-adjunkminister van Landbou, Bosbou en Visserye voordat sy Skadu-adjunkminister van Staatsdiens en Administrasie geword het. Jongbloed het as 'n senior joernalis vir die Rapport en Die Burger gewerk.[1]
| Zelda Jongbloed | |
Skadu-adjunkminister van Staatsdiens en Administrasie
| |
| Ampstermyn 1 Januarie 2017 – 21 Julie 2018 | |
| Leier | Mmusi Maimane |
|---|---|
| Voorafgegaan deur | Andricus van der Westhuizen |
| Opgevolg deur | Jaco Londt |
Skadu-adjunkminister van Landbou, Bosbou en Visserye
| |
| Ampstermyn 5 Junie 2014 – 1 Januarie 2017 | |
| Leier | Mmusi Maimane |
| Voorafgegaan deur | Pieter van Dalen |
| Opgevolg deur | Pieter van Dalen |
Lid van die Nasionale Vergadering van Suid-Afrika
| |
| Ampstermyn 21 Mei 2014 – 21 Julie 2018 | |
Persoonlike besonderhede
| |
| Gebore | Zelda Erasmus 3 Oktober 1950 Groot-Brakrivier, Kaapprovinsie, Unie van Suid-Afrika |
| Sterf | 21 Julie 2018 (op 67) Mowbray, Kaapstad, Wes-Kaap, Suid-Afrika |
| Nasionaliteit |  Suid-Afrika
|
| Politieke party | Demokratiese Alliansie |
| Kind(ers) | 3 |
| Alma mater | Universiteit van Wes-Kaapland Rhodes-universiteit |
Vroeë lewe en loopbaan wysig
Zelda Erasmus is op 3 Oktober 1950 in Groot-Brakrivier in die Kaapprovinsie gebore. Sy het aan Hoërskool George gemtrikuleer en daarna onderwys aan die Universiteit van Wes-Kaapland studeer waarvan sy 'n BA-graad in onderwys ontvang het.[2] Sy het later 'n MA-graad in joernalistiek aan Rhodes-universiteit behaal.[3] Sy was vir drie jaar 'n onderwyseres voordat sy die joernalistiek betree het.[2]
Sy was 40 jaar lank 'n joernalis. Sy het haar loopbaan as 'n kadetverslaggewer vir die Kaapse Herald begin. In 1976 het sy en haar destydse man die weekblad Herald Het Suid Western in George begin. Teen daardie tyd het sy ook vir die Rapport-koerant begin werk doen.[3]
Jongbloed is in 1979 as senior joernalis by die nou ontbinde Evening Post in Port Elizabeth aangestel. Sy was toe in diens van 'n private maatskappy in Namibië en het vir 'n lang tydperk vir die maatskappy gewerk. In 1981 het sy 'n senior joernalis by die Rapport-koerant geword. In 1986 is sy as die redakteur van die Rapport Ekstra aangestel. Jongbloed is later bevorder tot adjunkredakteur van die Rapport.[3]
In 2010 is sy as waarnemende redakteur van Die Burger Oos-Kaap aangewys. Jongbloed was ook 'n politieke rubriekskrywer vir beide die Rapport en Die Burger. Sy was die skrywer van die verbruikerskategorie "Kampvegter" in Die Burger koerant. Sy het in 2012 van Naspers afgetree. Jongbloed was ten tyde van haar aftrede adjunkredakteur van beide die Rapport en Die Burger.[3]
Ná haar verkiesing tot die Nasionale Vergadering van Suid-Afrika in Mei 2014, het Mmusi Maimane, DA-parlementêre leier, haar as die adjunk-skaduminister van Landbou, Bosbou en Visserye aangestel. Sy is in November 2016 as die skadu-adjunkminister van Staatsdiens en Administrasie aangestel.[4] Sy was die hoof van die DA se Kannaland en Oudtshoorn-kiesafdelings. Voor die 2016 plaaslike verkiesing het Jongbloed geheime onderhandelinge met die ANC gehou om die om die ICOSA-ampshouers in die bankrot Kannaland Plaaslike Munisipaliteit te verwyder. Die onderhandelinge was 'n sukses en die DA en ANC het 'n nie-amptelike reëling getref om die munisipaliteit te regeer.[2]
Sy was lid van verskeie parlementêre komitees, insluitend die Portefeuljekomitee oor Landbou, Bosbou en Visserye, die Portefeuljekomitee oor Staatsdiens en Administrasie, en die Veelparty-vrouekoukuskomitee.[5][6]
Dood wysig
Jongbloed is op 21 Julie 2018 in haar huis in die Mowbray-woonbuurt van Kaapstad aan kanker dood. Sy was 67 ten tyde van haar dood. Na haar dood het die Demokratiese Alliansie 'n verklaring uitgereik waarin hulle Jongbloed geloof het. Haar begrafnis is op 28 Julie 2018 in haar tuisdorp Groot-Brakrivier gehou.[7]
Verwysings wysig
- ↑ Londt, Jaco. The DA has lost a giant today, Knysna-Plett Herald, 21 Julie 2018. Besoek op 29 Maart 2019.
- ↑ 2,0 2,1 2,2 Barron, Chris (12 Augustus 2018). Zelda Jongbloed: Top journalist who practised politics her own way (Engels). URL besoek op 15 Januarie 2023.
- ↑ 3,0 3,1 3,2 3,3 Lloyd, Jason. Zelda Jongbloed, Litnet, 27 Julie 2017. Besoek op 29 Maart 2019.
- ↑ Evans, Jenni. Former journalist turned MP Zelda Jongbloed dies, News24, 22 Julie 2018. Besoek op 29 Maart 2019.
- ↑ Human, Jaco. Veteran journalist passed away, OFM, 22 Julie 2018. Besoek op 29 Maart 2019.
- ↑ The DA's shadow cabinet - Mmusi Maimane. Besoek op 29 Maart 2019.
- ↑ South Africa: Former Journalist Turned MP Zelda Jongbloed Dies. Besoek op 29 Maart 2019.
Notas wysig
Hierdie artikel is in sy geheel of gedeeltelik uit die Engelse Wikipedia vertaal.
