Bekrapte leerbaadjie

Die Bekrapte leerbaadjie (Aluterus scriptus) is 'n vis wat wêreldwyd in alle tropiese en subtropiese water voorkom. Plaaslik kom dit aan die ooskus van Afrika, suidwaarts tot in die suidelike Oos-Kaap voor. In Engels staan die vis bekend as die Scribbled filefish.

Bekrapte leerbaadjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Monacanthidae
Genus:	Aluterus
Spesie:	A. scriptus
Binomiale naam
Aluterus scriptus (Osbeck, 1765)

Identifikasie

Die vis word tot 100 cm lank. Die vis is lank en skraal en die stertvin is lank soos 'n langhaarborsel. Die vis is liggrys tot donker olyfbruin van kleur. Die kleurskakering word deur die omgewing bepaal. Daar is ook onreëlmatige blou kolletjies, kort strepies en ook swart kolletjies op die lyf en kop.

Hulle leef in tropiese strandmere en aflandige koraal- en rotsriwwe in water wat 2 tot 80 m diep is. Die onvolwasse visse word soms onder materiaal gevind wat op die oppervlakte dryf. Die vis neig om teen snaakse hellings te swem, is sku en alleenlopend. Hulle vreet 'n groot verskeidenheid plante en bodemdiertjies.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Aluterus-scriptus.html