Oranjestreep-snellervis

Die oranjestreep-snellervis (Balistapus undulatus) is 'n vis wat voorkom in die Indies-Pasifiese area en aan die ooskus van Afrika van die Rooisee tot by die Aliwal-bank. In Engels staan die vis bekend as die Orangestriped triggerfish.

Oranjestreep-snellervis
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Tetraodontiformes
Familie:	Balistidae
Genus:	Balistapus Tilesius, 1820
Spesie:	B. undulatus
Binomiale naam
Balistapus undulatus (Park, 1797)

Voorkoms

Die vis se kop en lyf is groenerig met geboë oranje strepe maar die mannetjie het nie oranje lyne oor die snoet nie. Die pektorale en stertvinne is oranjegoud. Daar is 'n swart merk op die dorsale vin en die vis word tot 30 cm lank.

Habitat

Die vis leef aan die buitekant van riwwe in water wat 10 – 50 m diep is. Die onvolwasse visse kruip in die oorhange van die koraalriwwe weg. Die mannetjie berei 'n nes voor deur op sy te lê en met die stert te klap; so word 'n holte op die bodem gemaak.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• Balistapus undulatus by FishBase