Bothidae

Die Linkeroog botvisse (Bothidae) is 'n vis-familie wat hoort tot die orde Pleuronectiformes. Daar is twintig genera met 161 spesies wat hoort tot dié familie en vyftien van die spesies kom aan die Suid-Afrikaanse kus voor.

Bothidae
Arnoglossus laterna
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Pleuronectiformes
Suborde:	Pleuronectoidei
Familie:	Bothidae
Genera
Arnoglossus Asterorhombus Bothus Chascanopsetta Crossorhombus Engyophrys Engyprosopon Grammatobothus Japonolaeops Kamoharaia Laeops Lophonectes Monolene Neolaeops Parabothus Perissias Psettina Taeniopsetta Tosarhombus Trichopsetta Sien teks vir spesies.

Kenmerke

Die familie se lywe is uiters plat en normaalweg is beide oë aan die linkerkant van die kop. Dit gebeur ook soms dat die oë aan die regterkant van die kop is. Die dorsale en anale vinne is nie deel van die stertvin nie. Die pektorale vin aan die oogkant is lank. Die familie wissel tussen 10 – 57 cm lank. Die familie lyk normaal by geboorte maar mettertyd, soos die vis ontwikkel, skuif die oog aan die regterkant oor na die linkerkant. Die familie bring die grootste gedeelte van hul lewe op die bodem deur. Hulle rus op die blinde kant wat normaalweg wit is.

Genera

Die volgende genera en spesies kom aan die Suid-Afrikaanse kus voor:

• Bothus

• Bothus mancus - Tropiese botvis
• Bothus pantherinus - Luiperd botvis

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7