Swarttip-koningvis

Die Swarttip-koningvis (Caranx heberi) is 'n vis wat voorkom in die Indiese-Pasifiese area en aan die ooskus van Afrika vanaf die Persiese Golf tot by Knysna. In Engels staan die vis bekend as die Blacktip kingfish.

Swarttip-koningvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Percoidei
Superfamilie:	Percoidea
Familie:	Carangidae
Genus:	Caranx
Spesie:	C. heberi
Binomiale naam
Caranx heberi (Bennett, 1830)
Geskatte verspreiding
Sinonieme
Scomber heberi Bennett, 1830 Caranx sem Cuvier, 1833 Caranx williamsi Smith, 1968 ?Caranx sansun (Forsskål, 1775)

Voorkoms

Die vis het 'n gevurkte stertvin met die boonste helfte wat swart is en die onderste helfte geel terwyl die anale en dorsale vinne tot helder geel kan wees. Die pektorale vinne is lank en op die agterste helfte van die sylyn is 'n ry verdikte skubbe. Die vis word 1 m lank en 14 kg swaar.

Habitat

Die vis verkies rots- en koraalriwwe om in te leef in water wat van 5 – 20 m diep is terwyl die onvolwasse visse riviermondings en die vlak kuswater verkies om in te leef. Die vis eet vis wat op die riwwe leef, ansjovis, tjokka, garnale en klein krappe.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7