Cetinje
Cetinje (Montenegrynse Cyrillies: Цетиње, [t͡sětiɲe]) is 'n stad en die ou koninklike hoofstad (Prijestonica / Приjестоница) van Montenegro.[1] Dit is ook die historiese en sekondêre hoofstad van Montenegro, waar die ampswoning van die president geleë is. Volgens die 2011-sensus het die stad 'n bevolking van 14 093 gehad, terwyl die munisipaliteit 'n bevolking van 16 657 in 2011 gehad het.
|
Cetinje | |
|---|---|
| Kaart | Wapen |
 | |
 | |
| Vlag | |
 | |
| Land |  Montenegro
|
| Munisipaliteit | Cetinje |
| Koördinate | 42°23′N 18°55′O / 42.383°N 18.917°O |
| Stigting | 1482 |
| Oppervlakte: | |
| - Totaal | 910 vk km |
| Hoogte bo seevlak | 650 m |
| Bevolking: | |
| - Totaal (2011) | 14 093 |
| - Bevolkingsdigtheid | 15,5/vk km |
| Etniese groepe: | |
| - Montenegryne | 91,3% |
| - Serwiërs | 3,9% |
| - Albanese | 0,3% |
| - Kroate | 0,3% |
| - Roma | 0,2% |
| - Ander | 4,1% |
| Tydsone | UTC +1 (MET) |
| - Somertyd | UTC +2 (MEST) |
| Burgemeester | Aleksandar Kašćelan |
| Amptelike Webwerf | cetinje.me |
In Montenegryns word die stad Цетиње / Cetinje (argaïes: Цетинѣ / Cetině) genoem, in Italiaans Cettigne, in Grieks Κετίγνη (Ketígni), in Turks Çetince en in Albanees Cetina.
Die stad Cetinje vorm die sentrum van die Cetinje-munisipaliteit. Die stad rus op 'n klein karstvlakte, omring deur kalksteenberge, insluitende Berg Lovćen, die legendariese berg in die Montenegrynse historiografie.
Cetinje is in 1482 gestig en het 'n sentrum van beide die Montenegrynse kultuur en die Oosters-Ortodokse Kerk in Montenegro geword. Sy status as die erehoofstad van Montenegro is te danke aan sy erfenis as langsdienende hoofstad van Montenegro. Cetinje het tot in 1918 as hoofstad van Montenegro gedien, totdat dié land met Serwië tot Joego-Slawië saamgesmelt het. Sedert Montenegro se onafhanklikheid van Serwië en Montenegro in 2006 dien egter Podgorica as hoofstad van dié land.
Verwysings
wysig- ↑ (en) Capital and Old Royal Capital 5. 19 Oktober 2007. Besoek op 4 Augustus 2019.
The capital of Montenegro shall be Podgorica, The Old Royal Capital of Montenegro shall be Cetinje.
{{cite book}}:|work=ignored (hulp)
Eksterne skakels
wysig
Wikimedia Commons het meer media in die kategorie Cetinje.- (en) Toerisme-inligting oor Cetinje op Wikivoyage
- (sr) Amptelike webwerf
- (en) "Cetinje". Encyclopædia Britannica. Besoek op 4 Augustus 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
