Hierdie artikel handel oor die taal. Vir die etniese groep, sien Montenegryne.

Montenegryns (crnogorski, црногорски, [t͡sr̩nǒɡorskiː]) is 'n Suid-Slawiese taalvariëteit en die amptelike taal van Montenegro.[2] Dit word dikwels as tak van Serwo-Kroaties of Serwies beskou, maar deur ander taalkundiges as 'n selfstandige taal.

Montenegryns
crnogorski, црногорски 
Uitspraak: [tsr̩nǒɡorskiː]
Gepraat in: Vlag van Montenegro Montenegro 
Gebied: Balkan
Totale sprekers: 509 000[1]
Taalfamilie: Indo-Europees
 Slawies
  Suid-Slawies
   Suidwes-Slawies
    Serwo-Kroaties
     Montenegryns 
Skrifstelsel: Latynse alfabet
Cyrilliese alfabet 
Amptelike status
Amptelike taal in: Vlag van Montenegro Montenegro
Gereguleer deur: Raad vir die Standaardisering van Montenegryns
Taalkodes
ISO 639-1: geen
ISO 639-2:
ISO 639-3: — 
Verspreiding van Montenegryns (donkerblou) binne Serwo-Kroaties (hemelblou)
Taalkundige struktuur van Montenegro volgens nedersettings in 2011, rooi is Montenegryns en blou Serwies
Taalkundige struktuur van Montenegro volgens nedersettings in 2003, rooi is Montenegryns en blou Serwies

Gestandaardiseerde Montenegryns is die mees verspreide dialek van Serwo-Kroaties, Štokawies, meer spesifiek op Oos-Herzegowiniaans, gebaseer wat ook die grondslag van Serwies, Bosnies en Kroaties vorm.[3]

Montenegro se taal is histories en tradisioneel Serwies genoem.[4] Die idee van 'n Montenegrynse gestandaardiseerde taal apart van Serwies het in die 2000's opgekom nadat Serwië en Montenegro uitmekaar gebreek het deur middel van voorstanders van 'n Montenegrynse onafhanklikheid. Montenegryns het met die goedkeuring van 'n nuwe grondwet op 22 Oktober 2007 die amptelike taal van Montenegro geword. Die ontwikkeling van 'n Montenegrynse standaardtaal duur nog steeds voort. Die ortografie is op 10 Julie 2009 met die toevoeging van twee letters tot die alfabet ingestel, alhoewel die grammatika en 'n skoolkurrikulum nog goedgekeur sal moet word.[5]

Die verstandhouding met sprekers van Serwies, Bosnies en Kroaties gebeur gewoonlik sonder probleme, aangesien die taalverskille minimaal is.

Verwysings wysig

  1. (en) "Ethnologue: Languages of the World, Seventeenth edition, Serbian". Ethnologue. Geargiveer vanaf die oorspronklike op 16 Junie 2019. Besoek op 2 Desember 2020.
  2. (sr) "Grondwet van Montenegro" (PDF). Montenegrynse Parlement. Geargiveer vanaf die oorspronklike (PDF; 167 kB) op 7 September 2012. Besoek op 9 April 2016.
  3. (en) "Serbian, Croatian, Bosnian, Or Montenegrin? Or Just 'Our Language'?". Radio Free Europe. 21 Februarie 2009. Geargiveer vanaf die oorspronklike op 13 September 2016. Besoek op 9 April 2016.
  4. (en) Roland Sussex, Paul Cubberly, The Slavic Languages, Cambridge University Press, Cambridge 2006.
  5. (sr) "Dva nova slova u crnogorskom pravopisu". Worldwide.rs. Geargiveer vanaf die oorspronklike op 25 Maart 2016. Besoek op 9 April 2016.

Eksterne skakels wysig


Indo-Europese tale: Satem-tale: Slawiese tale
Wes-Slawiese tale:
Kasjoebies | Polabies (†) | Pools | Slowaaks | Silesies | Sorbies (Neder-Sorbies, Opper-Sorbies) | Rusyn (Rusnak) | Tsjeggies
Oos-Slawiese tale:
Oud-Oos-Slawies (†) | Oekraïens | Russies | Rusyn (Roeteens) | Belarussies
Suid-Slawiese tale:
Bulgaars | Masedonies | Sloweens | Serwo-Kroaties (Bosnies, Kroaties, Montenegryns, Serwies)
Kunsmatige tale:
Protoslawies | Kerkslawies (Ou Kerkslawies) | Interslawies