Reënboog-pylvis

Die reënboog-pylvis (Elagatis bipinnulata) is 'n vis wat in al die oseane van die wêreld voorkom. Dit is meer volop aan die ooskus van Suid-Afrika vanaf Durban en verder noordwaarts. In Engels staan die vis bekend as die Rainbow Runner.

Reënboog-pylvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Percoidei
Superfamilie:	Percoidea
Familie:	Carangidae
Genus:	Elagatis Bennet, 1840
Spesie:	E. bipinnulata
Binomiale naam
Elagatis bipinnulata (Quoy en Gaimard, 1825)
Geskatte verspreiding.
Sinonieme
Seriola bipinnulata, Quoy en Gaimard, 1825 Seriolichthys bipinnulatus, (Quoy en Gaimard, 1825) Micropteryx bipinnulatus, (Quoy en Gaimard, 1825) Elagatis bipinnulatus, (Quoy en Gaimard, 1825) Irex indicus, Valenciennes, 1862

Voorkoms

Die vis se kop en lyf is donker olyfkleurig of blou aan die bokant, op die sye is daar twee paralelle blou strepe met 'n groenerige geel streep tussenin wat strek van die oë tot by die stertvin. Die onderkant van die lyf is wit en die vinne is 'n dowwe olyfkleur. Die lyf is langer as die koningvisse s'n. Die laaste twee strale van die dorsale en anale vinne vorm nie deel van die dorsale en anale vinne nie – hulle staan alleen. Die vis word tot 1,8 m lank en 'n rekord 46 kg swaar.

Habitat

Die vis kom naby die oppervlakte van die oseaan voor en vreet ander visse en skaaldiere. Die vis kom alleen voor of in klein groepies. Die vis is die gewildste aas om marlyn en ander snawelvisse mee te vang. Dit is ook 'n gewilde eetvis, veral as soesji.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7