Europese baars

Die Europese baars (Perca fluviatilis) is 'n varswater vis wat natuurlik in Europa en Asië voorkom. In Suid-Afrika kom die vis in vleie en damme in Mpumalanga en die Wes- en Oos-Kaap voor. In Engels staan die vis bekend as die Perch.

Europese baars
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Percidae
Genus:	Perca
Spesie:	P. fluviatilis
Binomiale naam
Perca fluviatilis Linnaeus, 1758

Voorkoms

Die lyf is lank en die kop ietwat plat en die stertvin is gevurk. Die vis het 'n groot bek. Die vis is silwer tot gelerig groen van kleur en wit aan die onderkant met ses of meer donker, vertikale strepe oor die sye. Daar is 'n swart vlek op die agterkant van die dorsale vin. Die bekken- en anale vinne is oranje kleurig. Die vis word tot 600 mm lank en die Suid-Afrikaanse hengelrekord is 1.305 kg en die Australiese rekord is 10.4 kg.

Habitat

Die vis leef in koue water en verkies damme en mere. Hulle leef saam in skole en vreet insekte, krappe en vis. Die vis broei in vlak water; die onbewaakte eiers heg hulle self aan plantegroei vas.

Trivia

Die vis was vir die eerste keer in 1896 ingevoer en daarna weer in 1915.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://fishbase.org/summary/Perca-fluviatilis.html

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1