Gautengse Afdeling van die Hoë Hof van Suid-Afrika

Die Gautengse Afdeling van die Hoë Hof van Suid-Afrika is 'n hooggeregshof wat tans oor 'n algemene jurisdiksie beskik vir die provinsies Gauteng, Mpumalanga, Limpopo en die oostelike gedeelte van die Noordwes-provinsie in Suid-Afrika. Die hoofsetel van hierdie afdeling is in Pretoria geleë, maar 'n plaaslike setel van dié hof, wat oor 'n konkurente jurisdiksie beskik van die suidelike gedeelte van Gauteng, is te vinde in Johannesburg. Dunstan Mlambo is sedert 1 November 2012^[1] die Regter-President van hierdie afdeling.

Geskiedenis

'n Hooggeregshof is in die lewe geroep vir die Zuid-Afrikaansche Republiek (Die Republiek van Transvaal) in 1877, terwyl die goud velde van die Witwatersrand deur 'n rondgaande hof besoek is, onder die gesag van die hooggeregshof.^[2] Beide howe het ophou bestaan vanweë die Britse oorwinning van die Boererepublieke na die Anglo-Boereoorlog. In 1902 kom twee hooggeregshowe tot stand vir die nuwe Transvaalkolonie: die Hooggeregshof van die Transvaal in Pretoria en die Hooggeregshof van die Witwatersrand in Johannesburg, onderhewig aan die eersgenoemde. Met die tot standkoming van die Unie van Suid-Afrika word hierdie howe die Transvaal Provinsiale Afdeling en die Witwatersrand Plaaslike Afdeling, onderskeidelik, van die Hooggeregshof van Suid-Afrika.

Die hof gebou te Johannesburg.

Die Transvaalse Provinsiale afdeling se jurisdiksie is in 1977 en 1979 verklein toe Bophuthatswana en Venda nominale onafhanklikheid verkry het en hulle hul eie hooggeregshowe daargestel het. Met die inwerkingtreding van die huidige Grondwet van Suid-Afrika in 1997, het die Transvaalse en Witwatersrandse Afdelings van die Hooggeregshof van Suid-Afrika, sowel as die Hoogeregshowe van Bophuthatswana en Venda almal hooggeregshowe van Suid-Afrika geword. In 2001 word sekere distrikte in die Noordwes-provinsie verwyder van die Transvaalse Afdeling en onder die jurisdiksie van die Bophuthatswana Afdeling in Mafikeng geplaas. In 2009 word die Transvaalse en Witwatersrandse Afdelings herbenoem na onderskeidelik die Noord-Gautengse en die Suid-Gautengse Hoë Howe. In 2013, met die herstrukturering van die Suid-Afrikaanse howe, in gevolge die Wet op Hoër Howe, word hierdie twee howe slegs twee setels van 'n enkele Gautengse Afdeling van die Hoë Hof van Suid-Afrika.

Setels

City	Coordinates	Jurisdiction	Former names
Pretoria (main seat)	25°44′41″S 28°11′15″O / 25.7446°S 28.1874°O / -25.7446; 28.1874 (Gauteng Division, Pretoria)	Provinces of Gauteng, Limpopo and Mpumalanga, and North West districts of Bloemhof, Brits, Christiana, Klerksdorp, Potchefstroom, Schweizer-Reneke, Ventersdorp, Wolmaransstad, Ekurhuleni, Emfuleni, Johannesburg, Midvaal, Mogale City as well as Madibeng, Ga-Rankuwa and Tlokwe in North West province	High Court of the South African Republic; Supreme Court of the Transvaal; Transvaal Provincial Division; North Gauteng High Court	https://www.gov.za/sites/www.gov.za/files/39601_gon30.pdf^{[dooie skakel]}
Johannesburg	26°12′08″S 28°02′43″O / 26.2023°S 28.0453°O / -26.2023; 28.0453 (Gauteng Division, Johannesburg)	In civil and criminal matters: districts of Alberton, Boksburg, Germiston, Johannesburg, Kempton Park, Krugersdorp, Randburg, Randfontein, Roodepoort, Westonaria In civil matters only: districts of Benoni, Brakpan, Delmas, Nigel, Springs, Vanderbijlpark and Vereeniging	High Court of Witwatersrand; Witwatersrand Local Division; South Gauteng High Court

Verwysings

↑ "Zuma appoints judges to high courts". Mail & Guardian (in Engels). 24 Mei 2012. Geargiveer vanaf die oorspronklike op 4 Maart 2016. Besoek op 25 Februarie 2014.
↑ Ellis, Pat (April 2010). "A short history of the North and South Gauteng High Courts" (PDF). Advocate. 23 (1): 48–49. Geargiveer vanaf die oorspronklike (PDF) op 3 Maart 2016. Besoek op 25 Desember 2011.

Eksterne Skakels

[1] "Zuma appoints judges to high courts". Mail & Guardian (in Engels). 24 Mei 2012. Geargiveer vanaf die oorspronklike op 4 Maart 2016. Besoek op 25 Februarie 2014.

[2] Ellis, Pat (April 2010). "A short history of the North and South Gauteng High Courts" (PDF). Advocate. 23 (1): 48–49. Geargiveer vanaf die oorspronklike (PDF) op 3 Maart 2016. Besoek op 25 Desember 2011.

[1]

[2]