Skouerkoldikkop

Die Skouerkoldikkop (Gnatholepis cauerensis) is 'n dikkop wat in die Stille Oseaan en Indiese Oseaan en aan die ooskus van Afrika suidwaarts tot by die suide van KwaZulu-Natal voorkom. In Engels staan die vissie bekend as die Shoulder spot goby.

Skouerkol dikkop
Bewaringstatus
Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Gobiidae
Subfamilie:	Gobionellinae
Genus:	Gnatholepis
Spesie:	G. cauerensis
Binomiale naam
Gnatholepis cauerensis (Bleeker, 1853)
Sinonieme
Gobius cauerensis Acentrogobius cauerensis Gnatholepis scapulostigma Fusigobius scapulostigma Gnatholepis inconsequens Gnatholepis cauerensis australis

Identifikasie

Die vissie word net 4,5 cm lank. Die lyf is bruin en bedek met rye klein, redelik digte oranjebruin kolletjies en wit vlekke. Daar is 'n kenmerkende donker, nou streep deur die oë.

Die vissie leef in aflandige koraal- en rotsriwwe in water wat 10 tot 50 m diep is. Hier verkies hulle veilige sandbodems naby die rif en onder oorhange. Hulle is gewoonlik alleenlopers, maar kom ook soms in klein groepies voor. Die seedier vreet bodemongewerweldes.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakels

• http://www.fishbase.org/summary/Gnatholepis-cauerensis.html
• http://eol.org/pages/1012337/overview Geargiveer 3 Junie 2017 op Wayback Machine