Die Dikkoppe (Gobiidae) is 'n visfamilie wat tot die orde Perciformes behoort. Hierdie familie het die meeste spesies van enige visfamilie, en omvat 230 genera met ongeveer 1 500 spesies. Een honderd en elf van die spesies word aan die Suid-Afrikaanse kus aangetref. 'n Paar spesies word ook in varswater aangetref.

Gobiidae
Microgobius gulosus
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Suborde:
Familie:
Gobiidae

Regan, 1911
Subfamilies

Amblyopinae
Benthophilinae
Gobiinae
Gobionellinae
Oxudercinae
Sicydiinae
Sien teks vir spesies.

Kenmerke wysig

Die hele familie is klein bodemvisse wat alle moontlike vorms insluit: lank, kort, ovaalvormig met alle moontlike vinkombinasies. Die vorm van die kop sluit ook alle moontlikhede in: plat, breed, gepunt of versonke. Die oë is merendeels aan die bokant van die kop en die familie het geen sylyne nie. Die dorsale vinne bestaan normaalweg uit twee gedeeltes. Die bekkenvinne is naby mekaar en by sekere spesies is hulle aaneengeskakel. Die grootte wissel van 1 – 50 cm; die meeste spesies is kleiner as 8 cm.

Habitat wysig

Die familie is kleurryk en wend dit aan om hulself te kamoefleer waar hulle ook al voorkom; getypoele, seegrasbeddings, riviermondings, koraalriwwe, rotsriwwe en sanderige- of rotsbodems tot op 'n diepte van 200 m. Die familie vreet klein skaaldiere, slakke en wurms.

'n Paar van die dikkoppe leef kenmerkend in 'n simbiotiese verhouding met die amper blinde, knypende alpheid garnaal. Die garnaal sal 'n gat grawe en dit onderhou terwyl die dikkop die omgewing dophou en so die garnaal beskerm. Die garnaal hou een antenna op die dikkop, sodra die dikkop gevaar gewaar sal hy met een sweepslag van sy stert terug in die gat gaan en sodoende die garnaal waarsku. Beide seediere leef met hulle maats in die gat.

Genera wysig

Die volgende genera en gepaardgaande spesies kom aan die Suid-Afrikaanse kus en riviere voor:

  • Cryptocentrus
  • Fusigobius

Sien ook wysig

Bron wysig