Mooidikkop

Die Mooidikkop (Amblyeleotris wheeleri) is 'n vis wat voorkom in die Indies-Pasifiese area, die Rooisee en aan die ooskus van Afrika vanaf Oman tot by Sodwanabaai in Suid-Afrika. In Engels staan die vis bekend as die Gorgeous shrimpgoby.

Mooidikkop
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Gobiidae
Subfamilie:	Gobiinae
Genus:	Amblyeleotris
Spesie:	A. wheeleri
Binomiale naam
Amblyeleotris wheeleri (Polunin & Lubbock, 1977)

Voorkoms

Die lyf is langwerpig. Die vis se kop en lyf is witterig tot liggeel met ses dowwe rooi tot donker rooi strepe wat vertikaal oor die liggaam strek. Daar is ook baie blou kolletjies op die lyf en vinne behalwe die dorsale vinne wat rooi kolletjies op het. Die vis word tot 8 cm lank.

Habitat

Die vis leef in koraalriwwe in vlak water, nooit dieper as 40 m nie. Die vis deel gewoonlik 'n nes met die garnaal, Alpheus ochrostriatus. Die vis bly by die opening en indien hy 'n roofvis sien kruip hy terug in die gat in met die garnaal op sy hakke.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://www.fishbase.org/summary/Amblyeleotris-wheeleri.html