Sibayi-dikkop

Die Sibayi-dikkop (Silhouettea sibayi) is 'n klein varswater vis wat voorkom in die Sibayameer en Kosimeer in KwaZulu-Natal. In Engels staan die vis bekend as die Sibayi goby.

Sibayi-dikkop
Bewaringstatus
Byna bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Gobiidae
Genus:	Silhouettea
Spesie:	S. sibayi
Binomiale naam
Silhouettea sibayi Farquharson, 1970

Voorkoms

Die vis het langerige, skraal lyf met 'n platterige kop. Die eerste dorsale vin is lank en gepunt en die stertvin is bolrond. Die vis is deurskynend bleek met bruin en rooi vlekke op. Daar is ook skuins rye kolle op die lyf en 'n groot vertikale wit streep op die eerste dorsale vin. Die vis word tot 40 mm lank.

Habitat

Die vis leef oor sandbanke in water wat tot 20 m diep is. Die vis begrawe homself in die sand totdat net die eerste dorsale vin uitsteek.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Silhouettea-sibayi.html