Graham Ford
Graham Xavier Ford (* 16 November 1960) is 'n Suid-Afrikaanse krieketafrigter en voormalige -speler.
| Graham Ford | |||||
|---|---|---|---|---|---|
| Gebore | 16 November 1960 Pietermaritzburg, Natal, Suid-Afrika | ||||
| Kolfstyl | Regshandig | ||||
| Boulstyl | Regterarm draaibouler | ||||
| Rol | Afrigter | ||||
| Familie | Matt Ford (seun)[1] Greg Ford (seun)[2] | ||||
| Eersterangse spaninligting | |||||
| Jaar(e) | Span | ||||
| 1982/83–1989/90 | Natal B | ||||
| Loopbaanstatistiek | |||||
| Kompetisie | 1e rang | ||||
| Wedstryde | 7 | ||||
| Lopies aangeteken | 162 | ||||
| Kolfgemiddeld | 13.50 | ||||
| 100s/50s | 0/0 | ||||
| Hoogste telling | 43 | ||||
| Vangskote/Stonkings | 3/– | ||||
| Bron: Cricinfo, 31 Julie 2009 | |||||
Hy is 'n voormalige hoofafrigter van die Ierse nasionale krieketspan (2017–2021) en die Sri Lankaanse nasionale krieketspan (2012–2014; 2016–2017). Hy was 'n regshandige kolwer en het tydens sy tyd as krieketspeler 7 wedstryde gespeel vir Natal B. Sy laaste wedstryd is sewe jaar na sy debuut in 1982/83 gespeel. Hy is 'n voormalige provinsiale tenniskampioen, en het Natal in voetbal verteenwoordig. Hy is ook 'n gekwalifiseerde rugbyskeidsregter.
Afrigtersloopbaan
wysigIn 1992 word hy aangestel as afrigter van die Natalse krieketspan, waartydens hy spelers soos Malcolm Marshall, Clive Rice, Shaun Pollock, Jonty Rhodes en Lance Klusener afgerig het. Hy het die provinsie in beide die eersteklas- en eendagtrofeë in 1996–97 tot oorwinning gelei.
Ford het die Suid-Afrikaanse A-span in 1998 tydens 'n toer na Sri Lanka afgerig, en is die volgende jaar aangewys as die hulpafrigter van Suid-Afrika. As assistent van Bob Woolmer het hy Suid-Afrika tydens die 1999 Wêreldbeker afgerig waar hulle die halfeindronde gehaal het, voordat hulle deur Australië uitgeskakel is. Na afloop van die toernooi het hy Woolmer as afrigter vervang en die land tot oorwinning gelei in 8 van die 11 reekse wat hulle gespeel het, maar nadat hy agtereenvolgende nederlae teen Australië gely het, het hy sy werk in Junie 2002 verloor.[3] Hy het die Proteas onder meer tydens die Kampioenetrofee 2000 afgerig.
Ford het in 2005 direkteur van krieket by Kent Graafskap-krieketklub geword. In 2006 het hy na Suid-Afrika teruggekeer om die Dolphins-krieketspan af te rig, maar in dieselfde jaar om persoonlike redes die betrekking opgesê.[4]
Op 9 Junie 2007 is hy die pos van afrigter van die Indiese nasionale krieketspan aangebied, maar twee dae later het hy die aanbod van die hand gewys.[5]
Op 31 Julie 2009 is dit aangekondig dat hy nie vir die 2010-seisoen na Kent sou terugkeer nie, weereens met verwysing na persoonlike redes.[6]
In Januarie 2012 is hy aangestel as hoofafrigter van Sri Lanka. Hy het hiermee vir Geoff Marsh vervang.[7]
In September 2013 het hy besluit om nie sy kontrak vir 'n verdere twee jaar te hernieu nie.[8] Op 27 Februarie 2014 het hy die betrekking aanvaar van hoofafrigter van Surrey Graafskap-krieketklub.[9] Kumar Sangakkara het Ford se teenwoordigheid by Surrey as een van die redes genoem waarom hy in 2015 vir die klub wou speel, en Ford se invloed op Sri Lankaanse krieket geprys.[10]
In Januarie 2016 is Ford weer aangestel as hoofafrigter van die Sri Lankaanse nasionale krieketspan. Sri Lanka Krieket het Ford aangestel tot en met die Krieketwêreldbeker 2019, maar hy het na slegs 15 maande in Junie 2017 uit die pos bedank.[11]
In September 2017 is Ford vir 'n aanvanklike termyn van drie jaar as Ierland se hoofafrigter aangestel; sy kontrak met Krieket Ierland is in 2019 met 'n verdere drie jaar verleng.[12] Tydens sy termyn as hoofafrigter van Ierland het hy die span deur 'n oorgangsfase gelei. Ierland het tydens sy termyn as afrigter uiteindelik toetsstatus behaal, en 101 internasionale wedstryde onder sy leiding gespeel.[13]
In November 2021 het hy uit sy pos as hoofafrigter bedank.[13][14]
Verwysings
wysig- ↑ (en) "Heartbreaker Ford announces himself on Irish stage". Cricket Europe. Geargiveer vanaf die oorspronklike op 23 Junie 2019. Besoek op 23 Junie 2019.
- ↑ (en) "Inter-Provincial Cup: Lightning beat Knights in Comber opener". BBC Sport. Besoek op 4 Oktober 2020.
- ↑ (en) South Africa sack coach Ford
- ↑ (en) Ford released from Dolphins contract
- ↑ (en) Ford turns down India job
- ↑ (en) "New coaching structure at Kent County Cricket Club". Kent County Cricket Club. Besoek op 31 Julie 2009.
- ↑ (en) "Graham Ford appointed Sri Lanka coach". ESPNcricinfo. 25 Januarie 2012. Besoek op 25 Januarie 2012.
- ↑ (en) "Ford to step down as Sri Lanka coach". Wisden India. 18 September 2013. Geargiveer vanaf die oorspronklike op 28 Januarie 2014. Besoek op 17 Oktober 2013.
- ↑ (en) “Fantastic to be here" – Graham Ford Geargiveer 6 Maart 2016 op Wayback Machine van die Surrey Graafskap-krieketklub se webwerf. Opgespoor op 27 Februarie 2014
- ↑ (en) Fernando, Andrew Fidel (13 Desember 2014). "Sangakkara firm over ODI retirement". ESPN Cricinfo. Besoek op 14 Desember 2014.
Playing for Surrey is something that I really want to do as well. Graham Ford is there. I've worked with Fordie, and he's been brilliant for Sri Lankan cricket, and personally to me.
- ↑ (en) "Ford steps down as Sri Lanka coach". ESPNcricinfo. Besoek op 24 Junie 2017.
- ↑ (en) "Graham Ford to take over as Ireland head coach". ESPN Cricinfo. Besoek op 10 September 2017.
- ↑ 13,0 13,1 (en) "Graham Ford resigns as Ireland head coach ahead of USA, West Indies tours". ESPNcricinfo. Besoek op 18 November 2021.
- ↑ (en) "Graham Ford steps down as Ireland head coach after 102 internationals in charge". Sky Sports. Besoek op 18 November 2021.