Rem-vlinderrog
Die Rem-vlinderrog (Gymnura natalensis) is 'n haai wat endemies is aan Suider-Afrika, en wat aan die Namibiese kus tot by die suidkus van Mosambiek voorkom. In Engels staan die rog bekend as die Diamond butterfly ray.
| Rem-vlinderrog | |
|---|---|
| |
| 'n Naverwante soort | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Klas: | |
| Subklas: | |
| Orde: | |
| Familie: | |
| Genus: | |
| Spesie: | G. natalensis
|
| Binomiale naam | |
| Gymnura natalensis (Gilchrist & W. W. Thompson, 1911)
| |
Voorkoms wysig
Die kop, lyf en pektorale vinne gee die rog 'n diamantvormige voorkoms. Die oë is aan die bokant van die lyf en vyf pare kieue aan die onderkant. Die stertjie is kort en die rog het geen dorsale of stert vinne nie. Die rog se kleur wissel van grys, na bruin of selfs groen aan die bokant terwyl daar ook dowwe kolle op die bokant is. Die kleur van rog pas gewoonlik aan by sy habitat.
Habitat en gewoontes wysig
Hierdie rog toon 'n voorliefde vir strandmere, riviermondings en sanderige areas en kom nie voor in water van dieper as 75 m nie. Hulle kan tot 2.5 m groot word van vlerkpunt tot vlerkpunt en weeg dan 90 kg. Die rog is vivipaar en 5 - 10 kleintjies word gebore na 'n dratyd van 12 maande. Die rog is eetbaar, maar word gewoonlik in die see teruggegooi nadat dit gevang is.
Sien ook wysig
Bron wysig
- Coastal Fishes of Southern Africa. Phil & Elaine Heemstra. 2004. ISBN 1-920033-01-7