Balk-juweelvis
Die Balk-juweelvis (Hemichromis elongatus) is 'n varswatervis wat voorkom in die Okavangorivier en boonste gedeelte van die Zambezirivier. Die vis kom ook voor in die Kongorivier-stelsel en in Wes-Afrika. In Engels staan die vis bekend as die Banded jewelfish. In die Caprivi staan die vis doodgewoon bekend as die Juweelvis.
| Balk-juweelvis | |
|---|---|
| |
| 'n Naverwante soort | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | |
| Tribus: | |
| Genus: | |
| Spesie: | H. elongatus
|
| Binomiale naam | |
| Hemichromis elongatus (Guichenot, 1861)
| |
Voorkoms
wysigDie kop is groot met groot oë en ‘n effens skuins, groot bek. In die bokaak is twee rye tande waarvan twee oogtande in die middle langer is as die res (slagtande). Daar is ‘n enkelry kegelvormige tande in die onderkaak.
Die vis is kleurryk; die lyf is donker olyfkleurig aan die bokant, ligter groen aan die sye en pienk tot rooi aan die onderkant, veral by broeimannetjies.
Op die bokant van die kieue is duidelike rooi en swart kolle.
Die vinne is olyfkleurig, die punte van die rugvin is rooi en die bekkenvin is swart.
Daar is vier tot vyf diamantvormige, swart bande oor die sye en 'n swart band wat deur die oë gaan.
Die skubbe is grof met 28-32 op die systreep. Die vis word tot 25 cm groot, maar die gemiddelde grootte is 10 tot 15 cm.
Habitat
wysigDie vis leef in riviere en permanent-gevulde vloedvlaktes in helder water.
Waar tiervis afwesig is kom dit in enige water voor, anders waar daar goeie skuiling is. Hulle verkies ‘n rots bodem bo sand, maar hou van skuiling, hetsy rotse, oewerplantegroei of waterplante.
Hulle byt aan enige kleinerige kunsaas maar is baie aggressief en val maklik groot kunsaas aan. Hulle hoofvoedsel is ander klein vissies maar hul vreet ook erdwurms en insekte.
Hulle broei vroegsomer.
Sien ook
wysigBron
wysig- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengel Visse in die Caprivi. Willem Botha. 1984.