IJsbrand Godske
IJsbrand Godske (Ook gespel Isbrand, Usbrand, Goske en Godsken) was die tweede Goewerneur van die Kaap die Goeie Hoop. Hy het sekunde Albert van Breugel wat as Kommandeur waargeneem het na Goewerneur Pieter Hackius se afsterwe op 30 November 1671, opgevolg.
| IJsbrand Godske | |
 | |
2de Goewerneur van die Nederlandse Kaapkolonie
| |
| Ampstermyn 2 Oktober 1672 – 14 Maart 1676[1] | |
| Voorafgegaan deur | Albert van Breugel (waarnemende kommandeur) |
|---|---|
| Opgevolg deur | Johan Bax van Herenthals (Kommandeur) |
Kommandeur van Malabar
| |
| Ampstermyn 1665 – 1667[2] | |
| Voorafgegaan deur | Jacob Hustaart |
| Opgevolg deur | Adriaan Roothaas |
Persoonlike besonderhede
| |
| Gebore | onbekend |
| Sterf | onbekend |
Godske was ook kommandeur van Malabar (1665-1667) en Direkteur van Persië (1667-1670). Hy het vir die eerste keer na die Kaap gekom in 1665 met die opdrag van die Verenigde Oos-Indiese Kompanjie om 'n geskikte perseel vir die Kasteel die Goeie Hoop te vind.
In 1671 het hy weer hierheen gekom, weer as kommissaris, maar is weens sy ervaring as senior amptenaar van die VOC, byna dadelik goewerneur gemaak met sy aankoms in Oktober 1672.
Die Kasteel is voltooi en die opening van die distrik Hottentots-Holland het begin tydens sy bewind. Godske het 'n veepos in die distrik gestig in 1672. Hy was ook verplig om oorlog teen die Hottentotte onder Gonnema te verklaar a.g.v. hulle brutale optrede teen die ander jagters.
Hy het vier jaar lank vertoef en het met maatskaplike wetgewing begin, onder meer deur die stigting van die Weeskamer in 1674. Dit was om na die belange van die weeskinders om te sien. Godske is spesifiek na die Kaap gestuur om die nedersetting in 'n tyd van oorlog met Engeland vir Nedeland te behou. Ná afloop van die oorlog was sy diens elder nodig. Hy het in 1676 na Nederland teruggekeer.[3]
Godske, wat uit Den Haag afkomstig was het homself as soldaat onderskei in die beleëring van Colombo en Manaar, Jaffna.[2]
Sien ook
wysigBronnelys
wysig- KENNIS, vol 8, 1980, bl. 1474-1475, ISBN 0 7981 0830 4
Verwysings
wysig- ↑ TANAP Geargiveer 9 Januarie 2011 op Wayback Machine Inleiding tot die Resolusies van die Politieke Raad van die Kaap die Goeie Hoop Geargiveer 25 Augustus 2007 op Wayback Machine, Besoek op 30 April 2007
- ↑ 2,0 2,1 "The Journal of the Dutch Burgher Union of Ceylon, a Lecture Delivered by Mr. F. H. De Vos in Aid of the Galle Branch of the Y. M. C. A." (PDF). Besoek op 11 Julie 2019.
- ↑ Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
| Voorafgegaan deur Albert van Breugel (waarnemende kommandeur) |
Goewerneur van die Kaap de Goede Hoop 2 Oktober 1672 – 14 Maart 1676 |
Opgevolg deur Johan Bax van Herenthals (Kommandeur) |
| Voorafgegaan deur Jacob Hustaart |
Kommandeur van Malabar 1665 – 1667 |
Opgevolg deur Adriaan Roothaas |