Versierde dikkop

Die versierde dikkop (Istigobius decoratus) is 'n dikkop wat voorkom in die westelike Stille Oseaan, die Indiese Oseaan, die Rooisee en aan die ooskus van Afrika suidwaarts tot by die middel van KwaZulu-Natal. In Engels staan die vis bekend as die decorated goby.

Versierde dikkop
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Gobiidae
Subfamilie:	Gobiinae
Genus:	Istigobius
Spesie:	I. decoratus
Binomiale naam
Istigobius decoratus (Herre, 1927)

Identifikasie

Die vis word tot 12 cm lank. Die lyf is bleek tot liggeel van kleur en die bokant van die lyf is bedek met 'n bruin, heunigkoekvormige patroon. Daar is ook twee horisontale rye reghoekige donkerbruin merke op die onderkant van die lyf. Daar is kolletjies op die dorsale-, buik- en anale vinne.

Die vis leef in koraal- en rotsriwwe in water wat 1 tot 25 m diep is. Hier word hulle gevind op die sand- en gruisbodems onder oorhange of in grotte. Die visse is alleenlopers en bly soms roerloos vir kort tydjies. Hulle vreet klein ongewerweldes. Die spesie kom algemeen voor.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakels

• http://www.fishbase.se/summary/Istigobius-decoratus.html
• http://eol.org/pages/340281/overview^{[dooie skakel]}