Suidelike skulpoortjie
Die Suidelike skulpoortjie (Kneria auriculata) is 'n varswatervis wat voorkom in die sytakke van die onderste gedeelte van die Zambezirivier. Daar is ook 'n geïsoleerde groep van die visse in die Krokodilrivier in Mpumalanga.
| Suidelike skulpoortjie | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | K. auriculata
|
| Binomiale naam | |
| Kneria auriculata (Pellegrin, 1905)
| |
Voorkoms
wysigDie vis het 'n lang, slanke lyf bedek met klein skubbetjies. Die dorsale vin is nader aan die stertvin as die snoet. Die kop is gerond en glad. Die sylyn is geboë agter die kop. Die vis word tot 70 mm lank en is bruin met vlekke en kolle op die bokant van die lyf. Daar is 'n donker streep op die middelste deel aan die voorste helfte van die vis. Die pektorale- en stertvin het elk 'n donker vlek op die basis.
Habitat
wysigDie vis leef in skole saam in klein, helder poele in strome. Daar word beweer dat die vis lug kan inasem; dit oorkom groot hindernisse soos rotse en watervalle tydens die migrasieproses. Hulle vreet insekte, alge en detritus.
Gedrag
wysigDie vis word ongeveer drie jaar oud en broei in die lente. Die wyfie lê tot 600 eiers op 'n slag.
Sien ook
wysigBron
wysig- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1