Koningklipvis
Die Koningklipvis (Genypterus capensis) is 'n gesogte vis wat endemies is aan Suider-Afrika en wat voorkom vanaf Swakopmund tot by Durban. In Engels staan die vis bekend as die Kingklip.
| Koningklipvis | |
|---|---|
| |
| 'n Naverwante soort | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | G. capensis
|
| Binomiale naam | |
| Genypterus capensis (Smith, 1847)
| |
Voorkoms wysig
Die kop en lyf is 'n dowwe pienk kleur. Die vis word tot 1,5 m lank en 15 kg swaar. Die dorsale en anale vinne is lank en kom saam by die stertvin. Die bekkenvin is twee dun strale onder die ken en die skubbe is klein.
Habitat wysig
Die vis leef in rotsareas op die kontinentale bank en die boonste gedeelte daarvan in water wat 50 – 550 m diep is. Die vis is naglewend en vreet bodemvis, skaaldiere en tjokka. Die vis het groot kommersiële waarde.
Bronne wysig
- Ensiklopedie van Suidelike Afrika. Eric Rosenthal 1967.
- Coastal Fishes of Southern Africa. Phil & Elaine Heemstra. 2004. ISBN 1-920033-01-7
