Rooioog-moddervis

Die Rooioog-moddervis (Labeo cylindricus) is 'n varswater vis wat wydverspreid voorkom in riviere in Oos-Afrika, vanaf die Zambezirivier tot by die Pongolarivier. Dit kom ook voor in sekere dele van die Kongorivier. In Engels staan die vis bekend as die Redeye labeo.

Rooioog-moddervis
Labeo cylindricus
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Labeo
Spesie:	L. cylindricus
Binomiale naam
Labeo cylindricus W. K. H. Peters, 1852

Voorkoms

Die vis se lyf is silindries en het 'n kenmerkende uitstaande snoet; gewoonlik met stervormige tuberkels op. Die bek is groot en die lippe vlesig. Daar is een paar baarde om die bek. Die vis is geel-groen met 'n donker baan wat horisontaal oor die lyf strek. Die groter visse is donkerder olyf grys. Die oë is kenmerkend rooi en die vis word tot 230 mm lank.

Habitat

Die vis leef in helder, vloeiende water in rotsagtige dele van klein en groot riviere. Ook in rotsagtige dele van damme en mere. Hulle leef in skole saam en vreet alge. Hulle migreer in skole stroomop om te broei en gebruik die mond en pektorale vinne om oor versperrings te kom.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• Wikimedia Commons het meer media in die kategorie Rooioog-moddervis.
• http://fishbase.org/summary/Labeo-cylindricus.html