Silwer-moddervis

Die Silwer-moddervis (Labeo ruddi) is 'n varswater vis wat voorkom in die warmer, laeveld gedeeltes van die Limpopo- en Komatirivier en ook in die Kunenerivier. In Engels staan die vis bekend as die Silver labeo.

Silwer-moddervis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Cypriniformes
Familie:	Cyprinidae
Genus:	Labeo
Spesie:	L. ruddi
Binomiale naam
Labeo ruddi Boulenger, 1907

Voorkoms

Die vis is gewoonweg silwer terwyl die onvolwasse visse 'n swart kol op die stertvin se basis het. Die vis se lyf is slank met kort vinne en daar kom soms 'n paar baarde om die mond voor. Gewoonlik is tuberkels afwesig maar indien dit voorkom is dit klein en grys tot wit van kleur. Die vis word 300 mm lank en die Suid-Afrikase hengelrekord is 0.92 kg en dié van Zimbabwe is 0.474 kg.

Habitat

Die vis leef in stil of staande water van groter riviere; diep, staande poele met 'n modderige bodem is 'n tipiese leefplek. Hulle vreet organiese afsaksels en migreer ook stroomop tydens die vloed tye om te broei.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bronne

• 'n Volledige Gids tot die VARSWATERVISSE van Suider-Afrika. Paul Skelton. 2001. ISBN 978-1-86872-643-1

Eksterne skakel

• FishBase