Lawrence Aurelius Folley

Lawrence Folley (6 Desember 1928 – 14 Januarie 2007) was 'n bekende Suid-Afrikaanse operabariton wat bekendheid vir sy ernstige sowel as ligte rolle verwerf het. Folley is op 6 Desember 1929 in Benoni gebore. Hy het sy vroeë opleiding in sang ontvang van Gillan Davis in Benoni en Aimeé Parkerson in Johannesburg. In 1953 trou Lawrence met Marie Lotter, ’n violiste wat in die Truk-orkes gespeel het, en hulle gaan woon in Londen. Van 1953 tot 1957 het hy aan die Guildhall School of Music en aan die Morley College in Engeland gestudeer, en, met behulp van 'n studiebeurs, agttien maande lank ook aan die London School of Opera. Hy het saam met reisende geselskappe in Engeland opgetree en sy eerste vaste aanstelling was as lid van die Sadler's Wells-geselskap. Hier het hy agt jaar lank opgetree en onder meer rolle in buitengewone werke soos Prokofiëf se Liefde vir drie Lemoene, Ravel se L'Heure Espagnole en Leonard Bernstein se Trouble in Tahiti vertolk.

Lawrence Folley
GeboortenaamLawrence Aurelius Folley
Gebore(1928-12-06)6 Desember 1928
Benoni, Transvaal, Unie van Suid-Afrika
Sterf14 Januarie 2007 (op 78)
Greenock, Skotland
GenresOpera
Beroep(e)Bariton

'n Kort besoek aan Suid-Afrika het sy terugkeer in 1968 voorafgegaan. In Kaapstad het hy vir Kruik in Carmen en Martha opgetree, en het vanaf 1969 'n voltydse betrekking by Truk beklee. Totdat hy in Januarie 1980 na Kaapstad verhuis het, het hy in die destydse Transvaal in 'n wye verskeidenheid operas en operettes opgetree, waaronder Don Garlos, La forza del Destino, Rigoletto, Don Giovanni, Simon Boccanegra, Peter Grimes, Lucia di Lammermoor, Die Fledermaus, The Merry Widow en The great Waltz.

Soos vroeër in Engeland het hy ook in Suid-Afrika met konsertoptredes en programme vir die radio en televisie 'n veel wyer publiek met sy kuns bereik. Sy grootste suksesse het hy egter op die operaverhoog behaal. Hoogtepunte was die drie toekennings van die Nederburg-prys vir Opera (in 1972, 1977 en 1979) en die groot rol van lago in Verdi se opera Othello, wat tydens die inwyding van die Staatsteater in Pretoria (1981) opgevoer is.

Hy het sy debuut as lid van die Kruik-geselskap in 1980 in Cole Porter se Kiss me, Kate gemaak.

In 1993 het Lawrence afgetree en weer in die Brittanje gaan woord om naby sy drie dogters te wees. In 1998 is Marie in Skotland oorlede en in Oktober 2001 het Lawrence met die Suid-Afrikaanse teaterregisseur Jacky Vermaas getrou. Na ’n lang stryd teen velkanker is Lawrence op 14 Januarie, 2007, op die ouderdom van 78 by die Ardgowan Hospice in Greenock, Skotland oorlede.[1]

Verwysings wysig

  1. sahistory.org.za/people/lawrence-folley

Bronnelys wysig