Mauritius-nooientjie

Die Mauritius-nooientjie (Stegastes pelicieri) is 'n vis wat voorkom rondom Mauritius, Réunion en langs die kus van noord KwaZulu-Natal. In Engels staan die vis bekend as die Mauritian gregory.

Mauritius-nooientjie
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pomacentridae
Genus:	Stegastes
Spesie:	S. pelicieri
Binomiale naam
Stegastes pelicieri Allen & Emery, 1985

Identifikasie

Die vis word tot 14 cm lank met 'n donkerbruin tot swart kleur. Elke skub se rant is swart en daar is blou kolle aan die boonste helfte van die lyf en dorsalevin. Die agterste lob van die dorsalevin en die lobbe van die stertvin is geel. Hulle leef in vlak koraalriwwe in water wat 2 tot 20 m diep is. Die vis is alleenlopend en territoriaal van aard. Hulle bly naby skeure en gate in die riwwe en vreet alge.

Die vis is seldsaam.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.se/summary/Stegastes-pelicieri.html