Stokvis

Stokvis (Merluccius capensis) is 'n vis wat voorkom vanaf suidelike Angola, rondom die Suid-Afrikaanse kus tot by KwaZulu-Natal. In Engels staan die vis bekend as Shallow-water hake. Die vis het groot kommersiële waarde.

Stokvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Paracanthopterygii
Orde:	Gadiformes
Familie:	Merlucciidae
Subfamilie:	Merlucciinae
Genus:	Merluccius
Spesie:	M. capensis
Binomiale naam
Merluccius capensis (Castelnau, 1861)

'n Soort stokvis opgehang om te droog in Noorweë

Voorkoms

Die vis is bruinerig op die rug en aan die bokant en die onderkant is silwerig wit. Die anale en tweede dorsale vinne is lank. Die vis kan 1.4 m lank en tot 19 kg swaar word.

Habitat

Die stokvis kom voor op die kontinentale bank tot op dieptes van 550 m. Gedurende die dag rus die volwassenes op die bodem en gedurende die nag beweeg hulle hoër op. Hulle eet hoofsaaklik vis en skaaldiere. Die wyfies skiet kuit gedurende Oktober tot Desember. Die onvolwasse vissies bly in skole saam op die oppervlak.

Met die korrekte bestuur kan tot 500 000 miljoen ton stokvis per jaar gevang word.

Sien ook

• Diepwaterstokvis
• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• https://www.fishbase.de/summary/Merluccius-capensis.html