Rooiwou

(Aangestuur vanaf Milvus milvus)

Die rooiwou is 'n medium-groot roofvoël in die familie van Ouwêreldse aasvoëls (Accipitridae). Die voëls kom oor die hele Europa en in Noordwes-Afrika voor.

Rooiwou
Wetenskaplike klassifikasie
Domein:
Koninkryk:
Filum:
Klas:
Orde:
Familie:
Subfamilie:
Genus:
Spesie:
M. milvus
Binomiale naam
Milvus milvus
Verspreiding (groen = hele jaar; oranje = Europese somer; blou = winter)

Volwasse voëls is ongeveer 62 sentimeter groot, 750 tot 1000 gram swaar en het 'n spanwydte van ongeveer 160 cm.[2] Hulle lyk baie soos die bruinjakkalsvoël, maar die rooiwou is rooier en het 'n diep gevurkte stert. Die spesie word hiervolgens van die nou verwante swartwou onderskei, wat nie 'n diep gevurkte stert het nie.[2]

Die rooiwou jag op klein en middelgroot soogdiere en voëls, groot insekte, maar kan ook prooi van ander roofvoëls afrokkel. Daarnaas is hulle aasvreters. Hulle het 'n voorkeur vir halfoop landskappe, waar in oop gebiede gejag, en in bosagtige gedeeltes gebroei word.

Die voëls lê twee tot ses eiers op 'n slag. Die rooiwou is deels 'n trekvoël en kom as broeier oor groot dele van Sentraal- en Suid-Europa voor. Groot bevolkings word veral in Duitsland en Frankryk aangetref. Duitsland huisves 30% van Europa se totale broeipopulasie. Daarbenewens word broeiende rooiwoue ook in aangetref in Spanje, Portugal, Italië, Switserland, Oostenryk, Pole, die Baltiese state, Wes-Rusland, Hongarye, Slowakye, Tsjeggië, Roemenië, Bulgarye, die Kaukasus, Wit-Rusland, die lande van die voormalige Joego-Slawië en Noord-Afrika. In Skandinawië is die spesie tot Suid-Swede en die eiland Gotland beperk. Die spesie is in die 1990's suksesvol in Engeland, Skotland en Ierland hervestig.

Daar is twee subspesies:

  • M. m. milvus: In Europa en noordwestelike dele van Afrika tot die Midde-Ooste.
  • M. m. fasciicauda: In Kaap Verde.

Fotogalery wysig

 
Wikispecies
Wikispecies het meer inligting oor: Milvus milvus

Sien ook wysig

Verwysings wysig

  1. BirdLife International (2013). "Milvus milvus". IUBN-rooilys van Bedreigde Spesies. Weergawe 2013.2. Internasionale Unie vir die Bewaring van die Natuur. Besoek op 26 November 2013. {{cite web}}: Ongeldige |ref=harv (hulp)
  2. 2,0 2,1 Mebs, Theodoor. 1991. Roofvogels van Europa. Thieme: Baarn. ISBN 90-5210-077-2.