Kaapse maanskynvis

Die Kaapse maanskynvis (Monodactylus falciformis) kom voor aan die ooskus van Afrika, van Tanzanië tot by die Breederivier in Suid-Afrika. In Engels staan die vis bekend as die Cape moony of die Oval Moony.

Kaapse maanskynvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Monodactylidae
Genus:	Monodactylus
Spesie:	M. falciformis
Binomiale naam
Monodactylus falciformis (Lacepède, 1801)

Voorkoms

Die volwasse vis is silwer terwyl die punte van die dorsale- en anale vinne donker geel of swart is. Die onvolwasse visse is ook silwer met 11 - 12 nou, donker vertikale strepe oor die liggaam. Die vis word 25 cm lank.

Habitat

Hulle kom voor in water met sanderige of rotsagtige omgewings; die volwasse visse verkies riviere, strandmere en hawe-areas sowel as die oop see terwyl die onvolwasse vissies in varswater of strandmere kan voorkom. Die vis is geskik vir 'n kouewater-akwarium. Dié vis kom meer algemeen voor as die Natalse maanskynvis veral langs die Natalse suidkus.

Trivia

Paul Skelton noem die vis die Ovaalmaanskynvis in sy boek A Complete Guide to the FRESHWATER FISHES of Southern Africa.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7

Eksterne skakel

• http://fishbase.org/summary/Monodactylus-falciformis.html