Muriel Spark

Muriel Spark (1 Februarie 1918 – 13 April 2006) was 'n vooraanstaande Skotse romanskrywer.

Muriel Spark
Gebore	Muriel Sarah Camberg 1 Februarie 1918 Edinburg, Skotland
Sterf	13 April 2006 (op 88) Florence, Toskane, Italië
Nasionaliteit	Verenigde Koninkryk
Beroep	Romanskrywer, kortverhaalskrywer, digter, essayis
Bekend vir	The Prime of Miss Jean Brodie The Mandelbaum Gate The Driver's Seat Memento Mori
Ouer(s)	Sarah Elizabeth Maud (née Uezzell) Bernard Camberg

Biografie

Sy is gebore in Edinburg en genoem Muriel Sarah Camberg. Na hoërskool neem sy 'n kursus in sakekorrespondensie en précis-skryfwerk, gee Engels by 'n kollege vir 'n kort periode en werk daarna as 'n sekretaresse by 'n winkel.

Sy trou op 3 September 1937 met Sidney Oswald Spark en trek na Rhodesië (tans Zimbabwe). In 1940 los sy haar seun Robin - gebore in Julie 1938 - by haar man en keer in 1944 na Engeland terug. Sy het nooit weer 'n gesonde verhouding met haar seun gehad nie. Sy werk vir die Britse intelligensie tydens die Tweede Wêreldoorlog. Haar loopbaan as skrywer begin na die oorlog, en veral nadat sy tot die Rooms-Katolieke geloof bekeer het. Sy trek na New York Stad vir 'n rukkie, en daarna na Rome, waar sy die kunstenaar en beeldhouer Penelope Jardine ontmoet in 1968. Hulle gaan bly in die Toskane, in die dorpie Civitella della Chiana tot met haar dood. Sy kry ereburgerskap van die dorpie in 2005.

Verkorte bibliografie

• The Comforters - 1957
• Memento Mori - 1959
• The Prime of Miss Jean Brodie - 1961
• The Mandelbaum Gate - 1965
• The Driver's Seat - 1970
• The Abbess of Crewe - 1974
• Symposium - 1991
• The Finishing School - 2004

Bron

• Verkort en vertaal vanaf Muriel Spark op die Engelse Wikipedia.

Eksterne skakels

• Guardian-doodsberig