Geelvin-soldaat

Die geelvin-soldaat (Myripristis chryseres) is 'n vis wat voorkom in beperkte gebiede in die Stille- en Indiese Oseane. Dit kom voor vanaf Oos-Afrika tot by die suide van KwaZulu-Natal. In Engels staan die vis bekend as die Yellowfin soldier.

Geelvin-soldaat
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Beryciformes
Familie:	Holocentridae
Genus:	Myripristis
Spesie:	M. chryseres
Binomiale naam
Myripristis chryseres D. S. Jordan & Evermann, 1903

Identifikasie

Die vis word tot 25 cm lank en is rooi met heldergeel dorsale-, buik- en stertvinne. Die vis leef in aflandige koraal- en rotsriwwe in water wat tot 25 m diep is. Hulle is gewoonlik alleenlopers of kom soms in klein groepies voor onder rotsoorhange of grotte gedurende die dag. Die vis vreet snags soöplankton. Die vis is seldsaam.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• Myripristis chryseres by Fishbase.