Maak hoofkeuseskerm oop
Die kerkgebou op Oujaarsdag 2017.
Ds. Maarten Kruger was van 1938 tot 1945 Westdene se eerste leraar.
Ds. M. Kruger het die NG kerk Westdene se hoeksteen op 4 September 1943 gelê. Die argitekte was Leendert en Geurt Geers. Die gemeente deel die kerk met die die Triumphant Christian Church.
Ds. N.A.S. Lombard, leraar van 1946 - 1950.
Die kerkgebou se preekstoel.
Ds. W.E.H. Söhnge was leraar van Westdene van 1948 tot 1949 en is toe beroep deur die nuwe dogtergemeente, Hurst Hill.
Ds. G.C. Wolhuter, leraar van 1955 tot 1971.
Dr. M.W. Retief. Sy laaste gemeente was Westdene, van 1966 tot 1969.

Die NG gemeente Westdene was 'n gemeente van die Nederduitse Gereformeerde Kerk in die westelike voorstad van Johannesburg met dieselfde naam, Westdene. Die laaste Nagmaal is op Sondag 14 Oktober 2018 gehou, waarna die gemeente op 31 Oktober ophou bestaan en die lidmate op 1 November by die NG gemeente Greymont inskale. Die kerkgebou sou verkoop word.

Begin 2011 was dit een van net drie (naas Crosby 142 lidmate volgens die 2009-syfer en Claremont met 245 lidmate) besonder klein gemeentes van die Nederduitse Gereformeerde Kerk in die weste van Johannesburg wat nog nie by aangrensende gemeentes ingelyf is nie. Claremont het egter ophou bestaan op 28 Augustus 2011. In 2015 het Crosby se getal belydende lidmate afgeneem tot 99 en Westdene s'n tot 106.

AgtergrondWysig

Ná 'n 16 jaar lange stryd van 6 Februarie 1905 af is die gemeente Waterval uiteindelik op 24 Mei 1921 van die moedergemeente Langlaagte as agtste gemeente in die Goudstad afgestig. Van Waterval sou mettertyd regstreeks of onregstreeks nagenoeg 20 gemeentes in twee Sinodale gebiede afstig. Binne die eerste amper 15 jaar van Waterval se bestaan het die lidmaattal in so 'n mate toegeneem (in 1932 was daar reeds 1 656 lidmate en 3 260 siele) dat die kerkraad 'n hulpprediker moes beroep. Steeds was dit 'n onbegonne taak, veral omdat die gemeente so uitgestrek was, sodat die dogtergemeente Linden afstig op 8 Oktober 1936 met 'n aanvanklike ledetal van 670.

OntstaanWysig

Steeds was die moedergemeente te groot en so stig Westdene af op 14 April 1938 met net 'n klein bouvallige saaltjie, wat vroeër as 'n voerskuur gebruik is, om in die pasgestigte gemeente se behoeftes te voorsien. Met afstigting het die lidmate van die gemeente uitsluitlik aan die werkende klas behoort en van welgestelde lidmate was daar nie sprake nie. Die eerste kerkraadsvergadering is op 18 April gehou en die eerste godsdiensoefening is op Goeie Vrydag deur ds. M. Kruger, hulpprediker van Johannesburg, waargeneem. Op 16 Mei beroep die kerkraad dan ook ds. Krüger as eerste leraar van die gemeente beroep en op 1 Julie is hy in 'n groot tent tot herder en leraar van Westdene bevestig. Die eerste nagmaalsviering het op 3 Julie in dieselfde tent geskied.

Dadelik spring die gemeente aan die werk en met hierdie ywerige jong leraar aan die hoof is op 28 Januarie 1939 'n groot en doelmatige kerksaal ingewy en betaal. 'n Gerieflike pastorie was nou die mikpunt van die gemeente en daar is toe onmiddellik daarmee 'n begin gemaak. In Augustus 1940 was ook hierdie bate van die gemeente van die gemeente afbetaal.

Teen die einde van dieselfde jaar is 'n nuwe Hammond-orrel kontant aangekoop, maar steeds was die gemeente nie tevrede nie, want hulle groot ideaal was steeds 'n eie kerkgebou. Vervul met 'n gees van samewerking en opoffering is dié strewe ook verwesenlik, want in Maart 1944 is 'n die kerkgebou in gebruik geneem. Die gebou is op dieselfde plek opgerig waar die voerskuurtjie gestaan het en is onder een groot dak saam met die bestaande kerksaal gebring. Indien die kerk met een of ander geleentheid te klein was, dan is luidsprekers na die saal aangeskakel en so kon toegang vir ten minste duisend persone verseker word. 'n Kombuis met al die nodige geriewe is ook opgerig en 'n jaar later, in April 1945, is alles afbetaal.

In Oktober van dieselfde jaar moes die gemeente van die eerste leraar afskeid neem toe hy 'n beroep na Waterval se ander dogtergemeente, Linden, aanvaar. Die gemeente het steeds aanhou groei sodat die kerkraad tien jaar na sy ontstaan, 'n medeleraar moes beroep. In Oktober 1949 stig die eerste dogtergemeente af toe die latere Crosby-Wes as Hurst Hill selfstandig word. Dié gemeente is egter in 2004, toe die lidmaattal tot sowat 160 gedaal het, ingelyf by Vergesig en nié by die moedergemeente nie.

Enkele leraarsWysig

  • Maartin Kruger, 1938 - 1945
  • Wilhelm Ernst Heinrich Söhnge, 1948 - 1949 (waarna eerste leraar van NG gemeente Crosby-Wes)
  • Nicolaas Albertus Smith Lombard, 1946 - 1950
  • Marthinus Muller van Rooyen, 1950 - 1955
  • George Christoffel Wolhuter, 1955 - 1971
  • Petrus Jacobus Nicolaas Smal, 1957 - 1963
  • Dr. Malcolm Wilhelm Retief, 1966 - 1970 (toe hy emeriteer)
  • Johannes Jacobus le Roux, 1971 - 1973 (toe hy afsterf)
  • Jacobus Albertus Johannes (Kosie) Loots, 2012 - (emeritus-leraar)

BronneWysig

Eksterne skakelsWysig