Maak hoofkeuseskerm oop
Die ou NG kerk Brixton in Putneyweg. Dit was die tuiste van Vergesig, waarvan die naam weer Brixton geword het.
Vir die destydse gemeente met dieselfde naam in die Noord-Kaap, sien NG gemeente Vergesig (Copperton)

Die NG gemeente Vergesig (sedert omstreeks 2014 bekend as Brixton Kerk) is 'n gemeente van die Nederduitse Gereformeerde Kerk in die Johannesburgse voorstad Brixton wat in 1993 ontstaan het uit die samesmelting van die NG gemeente Brixton en die NG gemeente Johannesburg-Wes en mettertyd altesaam uit sewe voormalige gemeentes sou bestaan.

In 1996 of 1997 is die NG gemeente Langlaagte by Vergesig ingelyf, waarby vroeër reeds die NG gemeente Fordsburg (nadat sy naam na Goudstad verander is) ingelyf is. Die NG gemeente Mayfair (1953) is op sy beurt reeds in die jare sewentig by NG gemeente Fordsburg ingelyf.

Die NG gemeente Cottesloe is omstreeks 1985 by Brixton ingelyf en NG gemeente Crosby-Wes ná die samestelling van Johannesburg-Wes en Brixton by Vergesig. Die gemeente het Crosby-Wes se kerkgebou behou en gebruik dit vir spesiale geleenthede soos trouens en begrafnisse, hoewel hulle dit op 'n vaste grondslag aan die Volle Evangeliese Kerk.

Vergesig omvat dus twee van die oudste gemeentes aan die Rand, Langlaagte en Fordsburg, en bestaan in 2010 uit wat voorheen sewe afsonderlike gemeentes was. Nietemin het die dooplidmate in 2010 164 getel en die belydende lidmate 520.[1] Teen 2011 het die dooplidmate afgeneem tot 89 en die belydende lidmate tot 487 (dieselfde syfers wat in die 2012-uitgawe van die Jaarboek van die NG Kerke aangegee word. Die sewe gemeentes se kerkgebou was almal besonder na aan mekaar geleë. Met Johannesburg-Wes se kerkgebou op die hoek van Indrastraat en St. Albanslaan, Mayfair-Wes, as middelpunt, is die afstand na elk van die ander kerkgeboue as volg: Brixton (Putneylaan) 500 m, Fordsburg (Vierdelaan 44) 1,4 km, Mayfair (Agstelaan, Mayfair) 2,2 km, Langlaagte (Kerkplein, Maraisstraat, Paarlshoop) 2,1 km en na Crosby-Wes (Dunboynelaan, Hurst Hill) 1,6 km. Mayfair en Fordsburg was slegs 650 m uitmekaar. Al die kerkgeboue is mettertyd verkoop, buiten die hoofgebou in Putneyweg, Brixton, en Langlaagte s'n.

Samestellende gemeentesWysig

 
Wapen van die Hoërskool D.F. Malan in Crosby, wat in Januarie 1944 ontstaan het as die Junior Hoërskool Crosby.
 
Die matriekklas van die Hoërskool Die Goudveld in Homestead Park. Dié skool het in 1956 ontstaan, maar omstreeks 1990 uitsluitlik 'n spesiale skool geword.

Eertydse skoleWysig

Met die gedurige verhuising van Afrikaanssprekendes na veral die noordwestelike voorstede van Johannesburg, maar ook verder geleë gebiede soos Roodepoort, het nie net NG gemeentes nie, maar ook skole in die slag gebly. In die weste van Johannesburg het die volgende Afrikaanse skole tussen 1985 en 1995 gesluit:

Nog voormalige Afrikaanse laerskole in die omgewing is Piet van Vuuren in Brixton, Jim Fouché in Crosby en Generaal Christiaan de Wet in Triomf. Die Hoërskool Vorentoe in Rossmore het verengels.

LeraarsWysig

  • Hendrik Abel van Rooyen, 1993 – hede (oorgekom van Johannesburg-Wes)
  • Johannes Benjamin Visser, 1993–2009 (oorgekom van Brixton, tentmaker sedert 2009)

Sien ookWysig

BronneWysig

  • Small, Mario (samesteller). 2011. 2011 Jaarboek van die Nederduitse Gereformeerde Kerke. Wellington: Tydskriftemaatskappy.

VerwysingsWysig

Eksterne skakelsWysig