Mayfair-Wes is 'n voorstad van Johannesburg, Suid-Afrika. Dit is in Johannesburg se F-streek geleë.

Mayfair-Wes
Die eertydse Hervormde kerk Brixton in Mayfair-Wes, nou 'n Hindoetempel.
Die eertydse Hervormde kerk Brixton in Mayfair-Wes, nou 'n Hindoetempel.
Mayfair-Wes is in Gauteng
Mayfair-Wes
Mayfair-Wes
 Mayfair-Wes se ligging in Gauteng
Koördinate: 26°11′53″S 27°59′55″O / 26.19806°S 27.99861°O / -26.19806; 27.99861Koördinate: 26°11′53″S 27°59′55″O / 26.19806°S 27.99861°O / -26.19806; 27.99861
LandVlag van Suid-Afrika Suid-Afrika
ProvinsieGauteng
MunisipaliteitStad Johannesburg
HoofplekJohannesburg
Oppervlak
 • Totaal0,76 km2 (0,29 vk. myl)
Bevolking
 (2011)[1]
 • Totaal4 669
 • Digtheid6 143/km2 (15 910/vk. myl)
Rasverdeling (2011)
 • Wit mense6,6%
 • Indiërs/Asiërs60,2%
 • Bruin mense4,8%
 • Swart mense25,8%
 • Ander2,6%
Taal (2011)
 • Engels 67,8%
 • Afrikaans 10,0%
 • Ander 22,2%
Poskode (strate)
2092
Skakelkode011/010

Oorsig wysig

 
'n Groep jong leerlinge van die Jubileumskool in Mayfair-Wes by die sierwapen wat 'n ouer geskenk het by geleentheid van die skool se 21-jarige bestaan in 1957.

Die voorstad is 5,6 km wes van die stadsaal geleë. Dis uitgelê op die plase Langlaagte in die suide en Middelfontein in die noorde. Highstraat skei dit in die noorde van Brixton, Bellonaweg en Nestorstraat in die ooste van Mayfair, die spoorlyn na Krugersdorp en Albertina Sisuluweg in die suide van Homestead Park en Mercurystraat in die weste van Crosby.[2]

Mayfair-Wes is 'n voormalige blanke groepsgebied en het vroeër 'n groot Afrikaanse gemeenskap gehad. Die kerkgebou van die destydse NG gemeente Johannesburg-Wes op die hoek van Indra- en St. Albanlaan is nou 'n Moslemskool, terwyl die Hervormde gemeente Brixton se kerkgebou op die hoek van Bellonaweg en Dianastraat in 'n Hindoetempel omskep is. Die naaste Gereformeerde kerk was Johannesburg-Mayfair se kerkgebou in Sesde Laan, Mayfair, enkele meter vanaf die grens tussen Mayfair en Mayfair-Wes. Dié kerkgebou het die gemeente gehuisves tot 1986, toe dit saamgesmelt het met Johannesburg-Oos en Johannesburg-Sentraal as die Gereformeerde kerk Johannesburg (herstig).

Demografie wysig

Volgens die sensus van 2011[1] het die voorstad 4 669 inwoners van wie 60,23% (2 812) Indiërs of Asiate is, 25,7% (1 203) swart, 6,62% (309) wit en 4,8% (224) bruin. Die meeste (67,8%, vergeleke met 66,7% in 2001) se huistaal was Engels, gevolg deur Afrikaans (10%, vergeleke met 12,6% in 2001) en verskeie swart tale met minder as 3% elk. Die wit bevolkingsaandeel het sedert die sensus van 2001 met amper 60% afgeneem van 15,5% tot 6,62% (612 tot 309), die Indiese of Asiese aandeel het ietwat toegeneem van 57,78% tot 60,23% (2 276 tot 2 812) en die swart aandeel met 'n kwart van 20,9% tot 25,7% (824 tot 1 203). Die bruin bevolking se aandeel aan die totaal het egter in die 10 jaar tussen 2001 en 2011 afgeneem: van 5,8% (227) tot 4,8% (224). Die voorstad se totale bevolking in 2001 was 3 939.[3]

Geskiedenis wysig

Mayfair is aangelê op die plaas Langlaagte no. 258, waarvan die minerale regte in 1886 deur J.B. Robinson gekoop is. Die goewermentslandmeter, M.C. Vos, het die buurt opgemeet en die eerste erwe is op 24 Mei 1896 verkoop. Robinson het sy hoofkwartier daar gehad toe dit meestal kaal veld was en sy eerste verdiepingkantoorgebou daar opgerig. Langermanstraat is genoem na sy algemene bestuurder, wat gekeer het dat die Robinson-myngroep hom vereenselwig met die Reform Committee. Die voorstad is bes moontlik genoem na die bekende voorstad in Londen.

Bronne wysig

Verwysings wysig

  1. 1,0 1,1 1,2 1,3 1,4 "Subplek Mayfair-Wes". Sensus 2011.
  2. (en) Die grense van Mayfair-Wes soos te sien op Google Maps. URL besoek op 1 Augustus 2017.
  3. (en) Gegewens van sensus 2001 op die webtuiste adrianfrith.com. URL besoek op 2 Augustus 2017.