Na-aperbloutjie
'n Na-aperbloutjie[3] (Cacyreus virilis) is 'n vlinder in die familie van Bloutjie-skoenlappers (Lycaenidae). Dit word ook soms die Na-aper-malvabloutjie genoem, en staan in Engels bekend as die Mocker Bronze of Mocker Blue.[4]
| Na-aperbloutjie | |
|---|---|
| |
| 'n Na-aperbloutjie in Ballito, KwaZulu-Natal | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | C. virilis
|
| Binomiale naam | |
| Cacyreus virilis Stempffer, 1936[2]
| |
| Sinonieme | |
| |
Verspreiding
wysigKom in Afrika voor in Gambië, Senegal, Guinee, Nigerië, Kenia, Uganda, Tanzanië, Burundi, Demokratiese Republiek van die Kongo, Zambië, Malawi, Zimbabwe, Botswana, eSwatini en Suid-Afrika. Die spesie is ook teenwoordig in Arabië, Jemen en Dhofar in Oman. Dit kom ook vermoedelik in Somalië en Ethiopië voor. Dit is meer algemeen in Suider-Afrika as in die weste.[1]
Habitat
wysigHierdie vlinder word in die meeste soorte savanne aangetref, meestal in onbewerkte velde en kom nie in digte bosgebiede voor nie. Dit word dikwels in gebiede met kort gras aangetref. Beide geslagte besoek blomme en mannetjies besoeke klam modderrige grond.[1]
Voorkoms
wysigDie vlerkspan van die wyfie is 24–26 mm en dié van die mannetjie is 24–27 mm. Die bokant van die vlerke is bruin, en dié van die mannetjie het 'n staalblou skynsel. Die onderkant van die vlerk is bruin met wit spikkels en vlekke. Cacyreus virilis word dikwels verwar met Cacyreus lingeus (bosbloutjie) wat dieselfde lyk.[5]
Sien ook
wysigVerwysings
wysig- ↑ 1,0 1,1 1,2 "Cacyreus virilis". IUBN-rooilys van Bedreigde Spesies. Weergawe 2016-3. Internasionale Unie vir die Bewaring van die Natuur. 2008.
{{cite web}}: Ongeldige|ref=harv(hulp) - ↑ Cacyreus at Markku Savela's Lepidoptera and Some Other Life Forms
- ↑ "Skoenlapperlys saamgestel deur die Landboutaalkomitee met medewerking van die Taaldiensburo van die Departement van Onderwys, Kuns en Wetenskap, 1959" (PDF). Besoek op 26 April 2017.
- ↑ "SANBI Biodiversity Series 16. Butterflies of South Africa's National Botanical Gardens: An illustrated checklist compiled by Christopher K. Willis & Steve E. Woodhall. 2010" (PDF). Besoek op 26 April 2017.
- ↑ Woodhall, Steve (2005). Field Guide to Butterflies of South Africa (1ste uitg.). Kaapstad: Struik. p. 256. ISBN 978-1-86872-724-7.