Gouestreep-kardinaal

Die Gouestreep-kardinaal (Ostorhinchus cyanosoma) is 'n vis wat wydverspreid voorkom in die westelike Stille Oseaan, die Indiese Oseaan, die Rooisee en aan die ooskus van Afrika suidwaarts tot by sentraal KwaZulu-Natal. In Engels staan die vis bekend as die Goldenstriped cardinal.

Gouestreep-kardinaal
Bewaringstatus
Ongeëvalueer  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Suborde:	Percoidei
Superfamilie:	Percoidea
Familie:	Apogonidae
Genus:	Ostorhinchus (Lacepède, 1802)
Spesie:	O. cyanosoma
Binomiale naam
Ostorhinchus cyanosoma (Bleeker, 1853)
Sinonieme
Apogon novaeguinea Apogon cyanosoma

Identifikasie

Die vis word tot 8 cm lank. Die vis is blouerig-silwer tot pienkerig-wit van kleur met ses horisontale oranje-geel strepe wat oor die lyf strek van die snoet tot by die basis van die stertvin. Daar is ook kort silwer-blou strepies bo en onder die oë. Daar is ook 'n kort geel strepe wat horisontaal strek van bokant die oog tot halfpad op die lyf.

Die vis leef in vlak koraalriwwe en seegras beddings in water wat tot 50m diep is. Hier skuil hulle in die koraal koppe en onder oorhange. Hulle is alleenlopers wat ook in klein groepies voorkom. Gedurende die nag breek die groepies op en elkeen soek soöplankton op sy eie. Die vis word min gewaar in Suid-Afrikaanse waters; dit verkies tropiese areas.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakel

• http://www.fishbase.org/summary/Ostorhinchus-cyanosoma.html

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3