Poenskop

Die Poenskop (Cymatoceps nasutus) is 'n endemiese vis wat aan die Suid-Afrikaanse suid- en ooskus voorkom tussen Kaapstad en Maputo. Dit staan ook bekend as 'n Swartmosselkraker, Swart biskop of Swart stompkop. In Engels staan die vis bekend as die Black musselcracker. Prof. J.L.B. Smith het 16 plaaslike name vir die vis geïdentifiseer.

Poenskop
Bewaringstatus
Kwesbaar  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Sparidae
Genus:	Cymatoceps
Spesie:	C. nasutus
Binomiale naam
Cymatoceps nasutus Castelnau, 1861

Voorkoms

Die vis is donkergrys tot swart van kleur terwyl die onvolwasse visse 'n groenerige bruin kleur het met onreëlmatige wit vlekke op die lyf. Die volwasse visse het groot lippe met 4 tot 6 groot tande in die mond. Die vis word tot 1,2 m groot en weeg dan 37,8 kg.

Habitat

Die vis kom voor by rotsriwwe in water wat 2 tot 100 m diep is en die onvolwasse visse verkies vlak riwwe en alge beddings. Die vis groei stadig; 'n spesie van 1,1 m se geskatte ouderdom is ongeveer 45 jaar. Dit is 'n gewilde sportvis wat 'n uitdaging bied aan die hengelaar. Groot volwasse visse is uiters skaars.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Eksterne skakels

• http://fishbase.org/summary/Cymatoceps-nasutus.html
• http://eol.org/pages/213855/overview^{[dooie skakel]}

Bronne

• Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.
• Gids tot die kusgebiede van Suid-Afrika. Jacana Media. 2007. ISBN 978-1-77009-215-0.