Dwerg-klipstamper

Die Dwerg-klipstamper (Pollimyrus castelnaui) is 'n varswatervis wat in die Okavango-, Kunene-, Kafue- en die boonste dele van die Zambezirivier voorkom. Buite Suider-Afrika word die vis ook in die noordelike gedeelte van die Malawimeer aangetref. In Engels staan die vis bekend as die Dwarf stonebasher.

Dwerg-klipstamper
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Osteoglossomorpha
Orde:	Osteoglossiformes
Familie:	Mormyridae
Subfamilie:	Mormyrinae
Genus:	Pollimyrus
Spesie:	P. castelnaui
Binomiale naam
Pollimyrus castelnaui (Boulenger, 1911)

Voorkoms

Die vis het 'n ovaalvormige lyf met die dorsale vin agter op die lyf. Die stertvin is gevurk met ronde punte. Die kop is rond en die snoet kort. Die vis is gespikkeld donkerbruin en word slegs 70 mm lank.

Habitat

Die vis leef tussen digte plantegroei aan die oewers van riviere en vloedvlaktes.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• Fishbase: Pollimyrus castelnaui