Lappies-skerpioenvis

Die Lappies-skerpioenvis (Scorpaenopsis venosa) is 'n vis wat voorkom in verspreide gebiede in die Stille- en Indiese oseane onder andere die Persiese Golf en aan die kus van Oos-Afrika suidwaarts tot by die suide van KwaZulu-Natal. In Engels staan die vis bekend as die Raggy scorpionfish.

Lappies-skerpioenvis
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Scorpaeniformes
Familie:	Scorpaenidae
Genus:	Scorpaenopsis
Spesie:	S. venosa
Binomiale naam
Scorpaenopsis venosa (Cuvier, 1829)

Identifikasie

Die vis word tot 20 cm lank. Die kleur en skakering van die vis is nie konstant nie. Die kop en lyf is bedek met lelle en klossies. Die snoet is kort met 'n paar klossies op die onderste lip. Die eerste drie stekels van die dorsale vin word geleidelik langer en is uiters giftig.

Die vis leef in aflandige koraal- en rotsriwwe in water wat tot 40 m diep is. Hulle is alleenlopers en is goed gekamoefleerd en is altyd gereed om klein vissies en skaaldiere aan te val.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Scorpaenopsis-venosa.html