Sebra-bontpaling

Die Sebra-bontpaling (Gymnomuraena zebra) is 'n bontpaling wat wydverspreid voorkom in die Stille en Indiese oseane; meer spesifiek die Rooisee en aan die ooskus van Afrika suidwaarts tot by die suide van KwaZulu-Natal. In Engels staan die vis bekend as die Zebra moray.

Sebra-bontpaling
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Elopomorpha
Orde:	Anguilliformes
Familie:	Muraenidae
Genus:	Gymnomuraena Lacépède, 1803
Spesie:	G. zebra
Binomiale naam
Gymnomuraena zebra (G. Shaw, 1797)
Sinonieme
Echidna zebra

Identifikasie

Die vis word tot 100 cm lank en is donkerbruin tot swart met kenmerkende nou wit ringe om die kop en lyf. Die tande is naby mekaar en lyk soos klein klippies. Die bontpaling het geen slagtande nie.

Die vis is 'n alleenloper, geheimsinnig en mak. Hulle leef in kusrotsriwwe asook aflandige riwwe in water wat van 1 tot 40 m diep is. Die bontpaling vreet skaaldiere en ander klein rifdiertjies.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Gymnomuraena-zebra.html