Silwerbaber
Die Silwerbaber (Schilbe intermedius) is 'n varswater vis wat voorkom in die Kunene-, Okavango-, Zambezi- en verder suidwaarts tot by Pongolarivier in KwaZulu-Natal. Dit kom ook voor in die tropiese Afrika, die Nylrivier en in Wes-Afrika tot by die Senegalrivier. Die vis staan ook bekend as die Botterbaber en in Engels as die Silver catfish.
| Silwerbaber | |
|---|---|
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | S. intermedius
|
| Binomiale naam | |
| Schilbe intermedius | |
| Sinonieme | |
| |
Voorkoms wysig
Die vis het 'n lang, ietwat plat lyf wat taps na agter is. Die vel is glad en die dorsale en pektorale vinne is dun en nou en die stertvin is gevurk. Daar is vier pare baarde om die mond. Die kleur van die vis word bepaal deur die toestande en kondisie van die lyf; in troebel water is die vis lig olyf of silwer grys van kleur en in helder water is die vis sjokolade kleur gespikkel. Die onderkant van die kop en lyf is wit met geel strepe en daar is 'n groot swart vlek agter die kop. Die onvolwasse vissies het drie donker strepe op die sye. Die vis word tot 300 mm lank en die Suid-Afrikaanse hengelrekord is 1.05 kg.
Habitat wysig
Die vis leef in skole saam in staande of stadig vloeiende oop water met plantegroei wat bo die water uitsteek of onder water is. Hulle is gewoonlik meer aktief in die nag.
Sien ook wysig
Bron wysig
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
