Skerptandbaber

Die skerptandbaber (Clarias gariepinus) is 'n varswatervis wat voorkom in die Oranjerivierstelsel en alle ander riviere noordwaarts in Suider-Afrika; dit kom feitlik oor die hele Afrika voor. Dit staan ook bekend as die baber en in Engels as die Sharptooth catfish.

Skerptandbaber
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Ostariophysi
Orde:	Siluriformes
Familie:	Clariidae
Genus:	Clarias
Spesie:	C. gariepinus
Binomiale naam
Clarias gariepinus (Burchell, 1822)

'n Skerptandbaber in 'n bak.

Jong skerptandbabers wat in Rishon Le-Zion (Israel) se rioolstelsel gevang is.

Voorkoms

Die vis het 'n lang, bruin- tot swartkleurige lyf, en 'n plat kop met vier paar lang baarde om die mond. Die dorsale vin is lank tot amper by die stertvin en die anale vin is ook lank. Die kop is groot en plat, die oë is kein en die bek is groot. Die vis word tot 1.4 m lank en 33 kg swaar. Die Suid-Afrikaanse hengelrekord is 33.3 kg, Zimbabwe 30.845 kg en Malawi 16.1 kg.

Habitat

Die vis kom regdeur Afrika voor in byna alle varswaterstelsels. Die vis oorleef gemaklik in slegte watertoestande en kan asemhaal met 'n spesiale kamer bokant die kieue. Dit kruip oor land om by ander watermassas uit te kom en vreet byna enigiets. Die wyfie lê haar eiers gedurende die somerreën.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bronne

• http://www.fishbase.org
• First Field Guide to Fishes of Southern Africa. Rudy van der Elst. 1999. ISBN 978-1-86872-288-4
• A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1

Eksterne skakel

• http://fishbase.org/summary/Clarias-gariepinus.html