Saagtand-barrakuda

Die Saagtand-barrakuda (Sphyraena putnamae) is 'n vis wat wydverspreid in die Indiese- en Stille Oseaan gebied, die Rooisee en aan die ooskus van Afrika tot by die noorde van KwaZulu-Natal voorkom. In Engels staan die vis bekend as die Sawtooth barracuda.

Saagtand-barrakuda
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Sphyraenidae
Genus:	Sphyraena
Spesie:	S. putnamae
Binomiale naam
Sphyraena putnamae Jordan & Seale, 1905

Identifikasie

Die vis het 'n lang, slanke lyf wat amper silindries is, en word tot 90 cm lank. Die snoet is lank en gepunt. Dit is blou-silwer van kleur op die rugkant en die sye en wit aan die onderkant. Daar is 15 donker chevron-tipe strepe oor die lyf; dit strek weerskante van die sylyn. Die stertvin is donker met 'n swart rant.

Hulle leef in koraal- en kusrotsriwwe in water wat 1 tot 35 m diep is. Gedurende die winter vorm hulle digte skole gedurende die dag. Hulle vreet gewoonlik gedurende die nag; hoofsaaklik rifvisse en tjokka.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Sphyraena-putnamae.html