Sphyraenidae

Die Barrakudas (Sphyraenidae) is 'n vis-familie wat tot die orde Perciformes behoort. Daar is slegs een genus met twintig spesies in hierdie familie, en agt van die spesies kom aan die Suid-Afrikaanse kus voor.

Barrakuda Tydperk: Vroeë Eoseen tot nou
'n Barrakuda, Sphyraena barracuda, met prooi
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superclass:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Sphyraenidae
Genus:	Sphyraena Klein, 1778
Spesies
Sien teks

Kenmerke

'n Barrakuda naby Meksiko

Visse van hierdie familie het lang, byna silindervormige lywe met lang koppe en het twee dorsale vinne wyd uitmekaar. Die lyf is bedek met klein skubbe en die grootte wissel tussen 30 cm en 2 m. Hulle verkies riviermondings en vlak kuswater oor koraalriwwe om in te leef. Hulle eet hoofsaaklik vis en tjokka. Visse van die familie is eetbaar en gewilde sportvisse.

Genus

Die volgende genus en gepaardgaande spesies kom aan die Suid-Afrikaanse kus voor:

• Sphyraena

• Sphyraena acutipinnis
• Sphyraena barracuda – Barrakuda
• Sphyraena flavicauda
• Sphyraena forsteri
• Sphyraena jello – Piksteel-barrakuda
• Sphyraena obtusata
• Sphyraena putnamae – Saagtand-barrakuda
• Sphyraena qenie

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• Coastal Fishes of Southern Africa. Phil & Elaine Heemstra. 2004. ISBN 1-920033-01-7