Spookpypvis

Die Spookpypvis (Solenostomus cyanopterus) is 'n vis wat wydverspreid voorkom in die westelike Stille Oseaan, die Indiese Oseaan en meer spesifiek die Rooisee en aan die kus van Afrika suidwaarts tot by die Oos-Kaap. In Engels staan die vis bekend as die Ghost pipefish. Die vis is seldsaam in Suid-Afrikaanse waters.

Spookpypvis
Solenostomus cyanopterus
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Syngnathiformes
Familie:	Solenostomidae
Genus:	Solenostomus
Spesie:	S. cyanopterus
Binomiale naam
Solenostomus cyanopterus Bleeker, 1854

Identifikasie

Die vis word tot 16 cm lank en sy kleur wissel van liggroen tot donkerbruin. Soms kan daar verspreide swart of wit kolle op die lyf wees. Dit leef in rotsagtige kusareas en aflandige koraal- en rotsriwwe in water wat tot 30 m diep is. Hulle word soms ook in die sand langs die rif gesien.

Die visse leef in pare saam. Hulle maak drywende seegras na as 'n skuiltegniek en dryf soms kop onderstebo oor die riwwe opsoek na ongewerweldes.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.org/summary/Solenostomus-cyanopterus.html