Sebrahaai

Die sebrahaai (Stegostoma fasciatum) is 'n haai wat in westelike Stille Oseaan en die Indiese Oseaan voorkom. Meer spesifiek, dit kom voor aan die ooskus van Suid-Afrika, noordwaarts vanaf Durban. In Engels staan dit bekend as die Zebra shark. Dit word deur die IUBN geklassifiseer as 'n kwesbare spesie.

Sebrahaai
Bewaringstatus
Kwesbaar  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Klas:	Chondrichthyes
Subklas:	Elasmobranchii
Orde:	Orectolobiformes
Familie:	Stegostomatidae Gill, 1862
Genus:	Stegostoma J. P. Müller & Henle, 1837
Spesie:	S. fasciatum
Binomiale naam
Stegostoma fasciatum (Hermann, 1783)
Verspreiding
Sinonieme
Scyllia quinquecornuatum van Hasselt, 1823 Scyllium heptagonum Rüppell, 1837 Squalus cirrosus Gronow, 1854 Squalus fasciatus Hermann, 1783 Squalus longicaudus Gmelin, 1789 Squalus pantherinus Kuhl & van Hasselt, 1852 Squalus tigrinus Forster, 1781 Squalus varius Seba, 1759 Stegostoma carinatum Blyth, 1847 Stegostoma tigrinum naucum Whitley, 1939 Stegostoma varium Garman, 1913

Voorkoms

Die haai het lang, slanke lyf met die breë stert wat langer is as sy liggaam. Bo-op die liggaam is longitudinale riwwe en die haai kan tot 3,5 m lank word. Volwasse haaie is geel of wit met donker vertikale strepe of donker kolletjies op die lyf. Die onvolwasse visse is donkerbruin tot swart. Hulle kom voor by koraal- en rotsriwwe tot op 'n diepte van 30 m. Die haai is ovipaar.

Leefwyse

Die haai is 'n bodem bewoner en alleenloper; dit word dikwels gesien waar dit rus op die sand naby riwwe. Hulle vreet snags en vreet hoofsaaklik weekdiere, ongewerweldes en klein vissies. Die haai is nie aggressief nie, is skaars en word dikwels vergesel deur remora's.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bronne

• Coastal Fishes of Southern Africa. Phil & Elaine Heemstra. 2004. ISBN 1-920033-01-7
• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://fishbase.org/summary/Stegostoma-fasciatum.html

• 
  'n Jong sebrahaai.
• 
  'n Volwassene.