Streepstert-nooientjie

Die streepstert-nooientjie (Abudefduf sexfasciatus) is 'n vis wat voorkom in die Stille Oseaan, die Indiese Oseaan; meer spesifiek die Rooisee en aan die kus van Oos-Afrika suidwaarts tot by die noorde van KwaZulu-Natal. In Engels staan die vis bekend as die Stripetail damsel.

Streepstert-nooientjie
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Subfilum:	Vertebrata (Cuvier, 1812)
Infrafilum:	Gnathostomata
Superklas:	Osteichthyes (Huxley, 1880)
Klas:	Actinopterygii
Subklas:	Neopterygii
Infraklas:	Teleostei
Superorde:	Acanthopterygii
Orde:	Perciformes
Familie:	Pomacentridae
Genus:	Abudefduf
Spesie:	A. sexfasciatus
Binomiale naam
Abudefduf sexfasciatus (Lacepède, 1801)
Sinonieme
Glyphisodon coelestinus Cuvier, 1830 Labrus sexfasciatus Lacépède, 1801 Abudefduf coelestinus Cuvier en Valenciennes, 1830

Identifikasie

Die vis word tot 19cm lank en sy lyf is blougroen aan die bokant en wit aan die sye en op die pens. Daar is 5 swart vertikale sterpe oor die sye. Die gevurkte stertvin se rante is swart. Die vis leef in rots kusareas en koraalriwwe in water wat 1 tot 15m diep is. Hier kom hulle gewoonlik in groepe voor bokant die rif. Hulle vreet soöplankton, klein skaaldiere en alge.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name
• Lys van varswater visfamilies
• Lys van visfamilies

Bron

• The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3

Eksterne skakel

• http://www.fishbase.se/summary/Abudefduf-sexfasciatus.html