Vlag van Sri Lanka
Die nasionale vlag van Sri Lanka (Singalees: ශ්රී ලංකාවේ ජාතික කොඩිය, Śrī Laṃkāvē jāthika kodiya; Tamil: இலங்கையின் தேசியக்கொடி, Ilankaiyin teciyakkoṭi) is op 22 Mei 1972 amptelik in gebruik geneem. Die vlag vertoon op die wapperkant ’n donkerrooi reghoekige paneel met ’n geel fraiing waarop ’n geel leeu staande met ’n swaard regop in die regtervoorpoot en ’n geel pappelvyblaar in elke hoek is, en aan die vlagpaalkant twee vertikale bane in groen (naaste aan die vlagpaal) en oranje, saam met ’n geel fraiing.
 |
|
| Bynaam | Leeuvlag, Sinhavlag |
|---|---|
| Gebruik | Burgerlike- en Staatsvlag en Burgerlike vaandel  |
| Verhouding | 1:2 |
| Goedgekeur | 22 Mei 1972 |
| Ontwerp | Op die wapperkant ’n donkerrooi reghoekige paneel met ’n geel fraiing waarop ’n geel leeu staande met ’n swaard in die regtervoorpoot en ’n geel pappelvyblaar in elke hoek is, en aan die vlagpaalkant twee vertikale bane in groen en oranje, saam met ’n geel fraiing. |
 |
|
| Gebruik | Burgerlike vaandel  |
| Verhouding | 1:2 |
| Ontwerp | Die Sri Lankaanse nasionale vlag in die skildhoek op ’n rooi vlag. |
 |
|
| Gebruik | Burgerlike vaandel |
| Verhouding | 1:2 |
| Ontwerp | Die Sri Lankaanse nasionale vlag in die skildhoek op ’n blou vlag. |
 |
|
| Bynaam | Presidentskleure |
| Verhouding | 1:2 |
| Goedgekeur | 1972 |
| Ontwerp | Die Sri Lankaanse nasionale vlag met die wapen van Sri Lanka op die vlagpaalkant. |
 |
|
| Gebruik | Vlootvaandel  |
| Verhouding | 1:2 |
| Goedgekeur | 1972 |
| Ontwerp | Die Sri Lankaanse nasionale vlag in die skildhoek op ’n wit vlag. |
 |
|
| Bynaam | Lugmagvaandel |
| Verhouding | 1:2 |
| Goedgekeur | 2010 |
| Ontwerp | Die Sri Lankaanse nasionale vlag in die skildhoek op ’n hemelblou vlag met die rondeel op. |
Simboliek
wysig
Die nasionale vlag van Sri Lanka stel die landen haar erfenis voor as saamtrekpunt wat die minderhede met die meerderheidsras integreer. Die meeste simbole in die vlag het kenmerkende betekenisse. Die leeu stel die dapperheid van die Singalese voor; die pappelvyblare stel die vier deugde van Boeddhisme voor, te wete vriendelikheid, medelye, simpatieke vreugde en gelatenheid; die swaard van die leeu stel die nasie se soewereiniteit en die dapperheid van die volk voor; die krulhare op die leeu se kop stel geloofshandhawing, wysheid en meditasie voor; die agt hare op die leeu se stert stel die Edel Agtvoudige Pad voor; die leeu se maanhare stel die reinheid van woorde voor; die swaard se handvatsel stel die elemente wat die land opmaak, te wete water, vuur, lug en aarde voor; die leeu se neus stel intelligensie voor; die leeu se twee voorpote stel reinheid in die hantering van rykdom voor; die oranje vertikale baan stel die Sri Lankaanse Tamils voor; die groen vertikale baan stel Islam en die More voor; die geel fraiing rondom die vlag stel die eenheid van alle Sri Lankane voor; en die donkerrooi agtergrond stel die Singalese etniese meerderheid voor.
| Skema | Betekenis |
|---|---|
| Leeu | Singalese volk |
| Pappelvyblare | Vier deugde van Boeddhisme: vriendelikheid, medelye, simpatieke vreugde en gelatenheid |
| Swaard van die leeu | Nasie se soewereiniteit en die dapperheid van die volk voor |
| Krulhare op die leeu se kop | Geloofshandhawing, wysheid en meditasie |
| Agt hare op die leeu se stert | Edel Agtvoudige Pad |
| Leeu se maanhare | Reinheid van woorde |
| Swaard se handvatsel | Elemente van die land opmaak: water, vuur, lug en aarde |
| Leeu se neus | Intelligensie |
| Leeu se twee voorpote | Reinheid in die hantering van rykdom |
| Oranje vertikale baan | Sri Lankaanse Tamils |
| Groen vertikale baan | Islam en die More |
| Geel fraiing rondom die vlag | Eenheid van alle Sri Lankane |
| Donkerrooi agtergrond | Singalese etniese meerderheid |
Geskiedenis
wysigToe Vijaya, Sri Lanka se eerste koning, in 486 v.C. vanaf Indië in Sri Lanka aangekom het, het hy ’n vlag met ’n leeusimbool met hom saamgeneem. Sedertdien speel die Leeu ’n belangrike rol in Sri Lanka se geskiedenis. Dit is wyd deur ’n Noord-Indiese prins, wat ’n aanhanger van Vijaya was, gebruik en dit het gevolglik ’n simbool van vryheid en hoop geword. Toe koning Dutugemunu in 162 v.C. op ’n veldtog vertrek het en waartydens hy die Suid-Indiese invaller Elara wat oor die noordelike deel van die eiland geheers het, oorrompel het, het hy ’n banier waarop ’n leeu met ’n swaard in sy regtervoorpoot, asook die son en maan verskyn het, by hom gehad.
Die banier is tot 1815 gebruik toe die heerskappy van die laaste koning van die Koninkryk Kandy, koning Sri Vikrama Rajasinha, beëindig is toe hy op 2 Maart die Kandykonvensie geteken het waardeur koning George III van die Verenigde Koninkryk as koning van Ceylon verklaar is en waardeur die Leeuvlag deur die Unievlag as die nasionale vlag van Ceylon vervang is. Die regering van Brits-Ceylon het ’n eie vlag gebruik, te wete ’n blou Britse Vaandel met ’n wapen vir Ceylon op die wapperkant. Die Leeuvlag is na Engeland geneem en by die Koninklike Hospitaal Chelsea gehou.
Soos die Sri Lankaanse onafhanklikheidsbeweging momentum gekry het in die vroeë 20ste eeu, het E.W. Perera, ’n prominente figuur in die onafhanklikheidsbeweging, met behulp van D.R. Wijardene, die persbaron, die oorspronklike Leeuvlag in Chelsea ontdek. ’n Afbeelding daarvan is gevolglik in ’n spesiale uitgawe van die koerant Dinamina gepubliseer om 100 jaar sedert die einde van Sri Lankaanse onafhanklikheid te gedenk. Die Leeuvlag het toe die middelpunt van die publiek se aandag geword. Vir die eerste maal sedert die val van die Koninkryk Kandy het hulle die vlag onder oë gekry.
Die vlag is in 1948 aangepas as die vlag van die Heerskappy Ceylon, met veranderinge wat in 1953 en weer in 1972 aangebring is. Gedurende dieselfde jaar is vier blare van die pappelvyboom onder die leiding van Nissanka Wijeyeratne tot die vier hoeke van die nasionale vlag van Sri Lanka toegevoeg. Wijeyeratne was toe die Permanente Sekretaris vir die Departement Kulturele Sake asook voorsitter van die Komitee vir die Nasionale Embleem- en Vlagontwerp. Voor 1972 waas daar voorwerpe wat spiespunte voorgestel het in die vier hoeke van die vlag.[1] Die vier pappelvyblare wat deur Wijeyeratne toegevoeg is weerspieël die beginsels van Mettja (liefderyke vriendelikheid), Karuna (deernis), Upeksha (gelykmatigheid) en Muditha (tevredenheid).[2][3]
-
Koninklike Standaard van die Koninkryk Kandy, 1469 tot 1815 -
Vlag van Nederlands-Ceylon; Vlag van die Verenigde Oos-Indiese Kompanjie, 1640 tot 1796 -
Vlag van Brits-Ceylon, 1815 tot 1948 -
Vlag van Ceylon, 1948 tot 1951 -
Vlag van Ceylon, 1951 tot 1972
.svg)
.svg)
Verwysings
wysig- ↑ Volker Preuß. "Sri Lanka (Ceylon)" (in Duits). Geargiveer vanaf die oorspronklike op 31 Maart 2019. Besoek op 31 Maart 2019.
- ↑ (en) Amara Samara in Sinhala Geargiveer 3 Maart 2016 op Wayback Machine. Rivira, URL besoek op 4 Januarie 2009.
- ↑ (en) Salueer die Vlag Geargiveer 22 Julie 2011 op Wayback Machine. URL besoek op 4 Februarie 2009.
Eksterne skakels
wysig| Wikimedia Commons bevat media in verband met Vlae van Sri Lanka. |
- (en) Sri Lanka by Flags of the World
- (en) "Flag of Sri Lanka". Encyclopædia Britannica. Besoek op 28 Mei 2019.
| Hierdie artikel is in sy geheel of gedeeltelik vanuit die Engelse Wikipedia vertaal. |
